देशीयनेतारः प्राप्नुवन्तः ; केरळे निर्वाचनप्रचारणम् ऊर्जितम्।

कोच्ची > केरळराज्ये विधानसभानिर्वाचनप्रचारणं तस्य परकाष्ठां प्राप्नोति। प्रधानमन्त्रिसहिताः केन्द्रनेतारः राज्यं प्राप्नुवन्तः सन्ति। प्रधानमन्त्री नरेन्द्रमोदी कासरगोड् , आलप्रुष़ा तिरुवनन्तपुरं जनपदेषु पर्यटनं कृत्वा भा.ज.पा.दलनेतृत्वे एन् डि ए सख्याय प्रचारणमकरोत्। सि.पि एम् दलस्य कार्यदर्शिप्रमुखः सीतारां यच्चूरी , कोण्ग्रस् दलस्य प्रवर्तकसमिति सदस्यः ए के आन्टणिः च केरलस्य विविधजनपदेषु प्रचरणं कुर्वन्तौ स्तः। कोण्ग्रस् देशीयाध्यक्षा सोणियागान्धी अद्य आगच्छति। तृशिवपेरूर् तिरुवनन्तपुरं जनपदयोः प्रचारणं करिष्यति। उपाध्यायक्षः राहुल् गान्धी श्व आरभ्य दिनत्रयं केरलेषु विविधमण्डलेषु यू डि एफ् प्रत्याशिनेभ्यः प्रचरणं करिष्यति। बीहारस्य मुख्यमन्त्री नितीष्कुमारः, भूतपूर्व प्रधानमन्त्री एछ् डि देवगौडा , राजनाथसिंहः, स्मृति इरानी इत्यादयः केन्द्रमन्त्रिणश्च स्वस्वप्रत्याशिनेभ्यः प्रचरणं कृत्वा प्रतिनिवर्तितवन्तः।

आक्रमितः चेत् आणवशस्त्रम् उपयोक्तुं निर्बधाः भवामः - उत्तरकोरिया।

पोङ्‌ याङ्‌ > राष्ट्रस्य प्रशासने बाह्यप्रवेशः चेत् आणवायुधस्य प्रयोगः भविष्यति इति उत्तर कोरियायाः किं जोङ्‌ उन् वर्येण उक्तम्।आणवायुधस्य निर्व्यापने बद्धश्रद्धाः च पञ्चत्रिंशत् वर्षा नन्तरम् आयोज्यमाने दलानां मेलने भाषमाणः आसीत् सः दरिद्र-राष्ट्रस्य आर्थिकावस्थाम् उपरि आनयतुं पञ्चवत्सरस्य योजाना अपि तेन अवतारिता। आयुधं प्रतिरोधाय इति वदति चोदपि तस्मिन् भीतिदः स्वरः अस्ति इति राष्ट्रान्तर-माध्यमाः वदन्ति।

अगस्टा वेस्ट्लान्ट् हेलिकाप्टर् विनिमये दण्डनव्यवहारं स्वीकर्तुं मोदी अशक्तः - केज्रिवाल्              

नवदहली> अगस्टा वेस्ट्लान्ट् हेलिकाप्टर् विनिमये उन्नीतानां दुर्व्यवहाराणामाधारेण कोण्ग्रस् अध्यक्षां सोणियां प्रति कमपि दण्डनव्यवहारं स्वीकर्तुं मोदिनः धैर्यः नास्ति इति दहली मुख्यमन्त्री  अरविन्द केज्रिवाल् । विनिमयेऽस्मिन् जाते दुर्व्यवहारे  इट्टलीस्थन्यायालयेन कोण्ग्रस् दलस्य सोणियागान्धी, अहम्मद् पट्टेल् सहितानां नेतृणाम् उपरि परामर्शः कृतःआसीत्। परन्‍तु भारतस्य प्रधानमन्त्री मोदी अन्वेषणे  एकपदमपि अग्रे गन्तुम् अशक्तः एव इति  केज्रिवाल् दहल्यामवदत्।

अष्टमे नेह्रु बहिर्गतः

                जय्पूर्:- राजस्थानस्य अष्टमकक्ष्यायाः सामूहिक शास्त्रपाठपुस्तकात् भारतस्य प्रथम प्रधानमन्त्रिणं   जवहर्लाल्नेह्रुं अधिकृत्य प्रतिपादनं किमपि नास्ति। परन्तु महात्मागान्धी, सुभाष् चन्द्रबोस्, वीरसवर्करः, भगत् सिंहः, बालगंगाधरतिलकः, लाला लज्पत्रायः इत्येतेषां स्वतन्त्रता- समरनायकानां प्रतिपादनं पुस्तकेऽस्मिन् अस्त्येव। स्वतन्त्र भारतस्य प्रथम प्रधानमन्त्रिं अनुक्त्वा एव पुस्तकं रचितं दृश्यते। राजस्थान् पुस्तक मण्डलस्य कृते स्टेट् इन्स्टिट्यूट् ओफ् एडुकेषन् रिसर्च एण्ट् ट्रैनिङ् एव पुस्तकरचनाम् अकरोत्। पुस्तकम् इत.पर्यन्तं विपण्यां नैव आगतम्। किन्तु अन्तर्जाले पुस्तकं दत्तं वर्तते। विषयेऽस्मिन् सर्वकारपक्षतः किमपि स्थिरीकरणं न लब्धम्।

 निर्वाचनम् - बाह्यनिरीक्षणं नियन्त्रितम् ।                   

अनन्तपुरी>  निर्वाचनप्रक्रियायाः साध्यमानेऽस्मिन् काले निर्वाचनसम्बन्धिकतया बाह्यनिरीक्षणम् अभिप्रायप्रकाशनं च नियन्त्रितं भवति। जनप्रतिनिधि-नियमस्य १२६(१) बि प्रमाणानुसारमेव नियन्त्रणम्। नियन्त्रणसम्बन्धं विज्ञापनं केन्द्रनिर्वाचनसमित्या कृतं वर्तते।

'संपूर्णं मद्यनिरोधनम्
 दशवर्षाणि आवश्यकानि किम्?' नितीष्‌ कुमारः।

कोष़िक्कोड् (केरळम )> बीहार् राज्ये मद्यनिरोधनं पदपदानुसम्बन्धिकतया निरोधितुं निश्चितः आसीत् । किन्तु केवलं पञ्चदिनाभ्यन्तरे एव निरोधनं संपूर्णं जातम्। तस्य कारणं जनपक्षतः आनुकूल्यमेव इति  कोष़िक्कोड् मण्डले संवृत्ते यु डि एफ् दलस्य निर्वाचनयोगे बीहार् मुख्यसचिवेन नितीष्‌कुमारेण अभिप्रेतम्। अतः संपूर्णमद्यनिरोधनाय दशवर्षकालं प्रतीक्षा करणीया वा इति केरलसर्वकारः चिन्तयतु इति सः अवदत् ।संपूर्णमद्यनिरोधनविषये भा ज पा दलस्य अभिप्रायं प्रकटयतु इत्यपि तेन आह्वानं कृतम्‌ ।

 वस्त्रनिर्माणशालायाम् अग्निबाधा - त्रयः मृताः।

                     लुधियाना (पञ्जाब्) > लुधियानायां राहोण् मार्गे प्रवर्तमाने यन्त्रागारे ह्यः प्रभाते जातायाम् अग्निबाधायां महान् नष्टः। त्रयः कर्मकराः मृताः। संपूर्णतया अग्नौ दग्धानां मृतदेहानां प्रत्यभिज्ञानम् एतावता अशक्तं भवति। अग्निबाधायाः कारणं व्यक्तं न भवति। नगरसभायाः अग्निशमनविभागस्य ११ संघानां कठिनप्रयत्नेनैव अग्ने: शमनमभवत्।

कवि: रमेशपाण्डेय: कारदुर्घटनायां दिवंगत:।

 दुःखदघटना -संस्कृतभारत्या: मध्यभारतप्रान्तस्य सहसम्पर्कप्रमुख: "कालिदासो जने जने ..." गीतस्य रचयिता श्रीरमेशपाण्डेय: तस्य पुत्रश्च अद्य कारदुर्घटनायां दिवंगतौ ।

 ' योगश्चित्तवृत्तिनिरोधः' विद्यालयेषु योगः मुख्यविषय:

नवदहली> राष्ट्रे सर्वेषु विद्यालयेषु योगपठनम् अभ्यासः च मुख्यविषयः भवतु इति केन्द्र आयुष्मन्त्रिणः श्रीपद् यशोनाय्क्महोदयस्य निर्देशः। अस्मिन् अध्ययनवर्षे एव पाठ्यपद्धत्यां योगपठनम् अन्तर्भवतु इति केन्द्रमानव विभवशेषिमन्त्रालयेन सर्वेभ्यः राज्येभ्यः निर्देशः दत्तः अस्ति।

 के वि तोमस् पुनरपि पि ए सि अध्यक्षः

 नवदहली>लोसभायाः चरित्रे प्रथमतया एव एकः सामाजिकः अविरामं वारत्रयं एकस्याः एव लोकसभायाःपि ए सि समितेः अध्यक्षस्थानम् आवहति। के वि तोमसस्य सामूहिक-राष्ट्रियजीवने अयमङ्गीकारः असूयावहः इति राष्ट्रियचिन्तकानाम् अभिप्रायः।  इतःपूर्वं १४,१५ लोकसभयोः मुरलीमनोहरजोषी महोदय: पञ्चवारम् पि ए सि समितेः अध्यक्षः आसीत्। समित्यां भा ज पा दलस्य भूरिपक्षत्वं न्यूनं चेदपि एतावता विविधानां ५० वृत्तान्तरेखाणाम् ऐक्यकण्ठेनैव अनुमतिः दत्ता वर्तते।

भारत-नेप्पालबन्धे भ्रंशः।

नवदिल्ली> गतकाले सुसम्पन्नः भारत - नेप्पालराष्ट्रयोः परस्परबन्धः भ्रंशते। नेप्पालस्य राष्ट्रपतेः बिन्द्यादेवी भण्डारीवर्यस्य निर्दिष्टं भारतसन्दर्शनं निरस्तम्। किञ्च भारतस्थानपतिः दीपकुमार् उपाध्यायः प्रत्याह्वयते स्म। परन्तु घटनाद्वयस्यापि कारणं न स्पष्टीकृतम्।
    नेप्पालराजनैतिकदलेषु विद्यमानाः आभ्यन्तरविषयाः एव कम्म्यूणिस्ट् दलस्य नेतृत्वे विद्यमानस्य सर्वकारस्य निर्णयस्यास्य कारणमिति निरीक्षकाणां मतम्। स्थानप्राप्त्यनन्तरं राष्ट्रपतेः बिद्यादेवी वर्यस्य प्रथमभारतसन्दर्शनमेव अन्त्यनिमिषे निरस्तमभवत्।

'नीट्' विषये पुनरपि आश्वासवचनानि 

     नवदेह्ली : - वैद्यपठनमण्डले देशीयैकीकृतप्रवेशनपरीक्षायाः पूर्वमेव प्रवेशनपरीक्षाम् आयोजितेभ्यः राज्येभ्यः उच्चतर न्यायालयपक्षतः आश्वासवचनानि। नियमस्य आधारेण राज्याणां प्रवेशनपरीक्षाणां साधुतायै अन्यं  कमपि मार्गं प्रस्तौतुम्‌ उच्चतरन्यायालयेन केन्द्र सर्वकाराय निर्देशः दत्त:। ' नीट् ' विषये उच्चतरन्यायालयेन अप्रैल् २८ दिनाङके एव निर्देश: दत्त: वर्तते। ततः पूर्वमेव विविधैः राज्यैः प्रवेशनपरीक्षा समापिता ।

 श्रीशङ्करकुलदेवमन्दिरे कनकधारायज्ञः अद्य आरभते। 

कोच्ची> अद्वैतवेदान्त-प्रतिष्ठापकस्य श्रीशङ्कराचार्यस्य जन्मना विश्वविख्याते कालटिग्रामे स्वकुलदेवतास्थाने श्रीकृष्णमन्दिरे मेय् ७ आरभ्य ११ पर्यन्तं कनकधारायज्ञः प्रचलति।

 बाल्यकाले भिक्षार्थं किञ्चित् निष्किञ्नगृहं प्राप्ताय शङ्कराय गृहिण्याः शुष्कामलकमेवालभत। गृहस्य दौर्भिक्षं प्रत्यभिज्ञातः शङ्करः तत्रैव स्थित्वा ऐश्वर्यदेवतां महालक्ष्मीं संस्तुत्य कनकधारास्तवं विरच्य प्रार्थयामास। स्तवेन प्रसीदा देवी सुवर्णामलकानि वर्षयित्वा तत्कुटुम्बम् अनुगृह्णाति स्म  इत्यैतिह्यः।

  तदनुस्मारयन् आयोजिते कनकधारायज्ञे लक्ष्मीदेव्याः प्राणप्रतिष्ठां कृतानि स्फटिकयुक्तानि सुवर्ण-रजतामलकानि १००८ वारं कनकधारास्तोत्रजपैः पवित्रीकृत्य भक्तजनेभ्यः अक्षयतृतीयादिने  प्रदास्यन्ते।    MORE

स्त्रीजनानां सुरक्षाविषये केन्द्रसर्वकारस्य आशङ्का

  कोल्लम् > पेरुम्बावूरे संवृत्ते नियम-विद्यार्थिन्याः जिषायाः दारुणवध सम्बन्धे विषये अन्वेषणाय केन्द्रान्वेषणसंघः सज्जः इति केन्द्राभ्यन्तरमन्त्रिणा राजनाथ सिंहेन अभिप्रेतम्‌। केरलसर्वकार पक्षतः अभ्यर्थना लब्धा चेत् अन्वेषणदायित्‍वं निर्वोढुं सि बि ऐ सज्जः इति कोल्लम् मण्डले संवृत्‍ते भा जा पा दलस्य निर्वाचनयोगे मन्त्रिणा उक्तम्। केरलेषु स्त्रीजनानां सुरक्षाविषये केन्द्रसर्वकारस्य आशङ्का वर्तते इत्यपि तेन सूचितम्।

 भूमानचित्रस्य वक्रता - दण्डः कठिनः। 

   नवदहली> भारतस्य भूमानचित्रस्य रेखीकरणे वक्रता कापि अस्ति चेत् इतः परं दण्डनव्यवस्था कठिना भवेदिति सर्वकारः। सामूहिकमाध्यमेषु अपि बहुत्र मानचित्रेषु जम्मू काश्मीरस्य स्थानं पाकिस्थाने तथा अरुणाचलप्रदेशस्य स्थानं चैनायां च रेखीकृतं दृश्यते। अतः वक्रतया चित्रीकरणं सप्तवर्षाणां कारागारवासः १०० कोटि रूप्यकाणाम् धनरूप दण्डश्च बाधकमिति सर्वकारेण सूचितम्। अपि च भूमानचित्राणां क्रयविक्रयणाय सर्वकारस्य अनुमतिरपि आवश्यकी। इतःपरं सामूहिकमाध्यमेषु मानचित्राणां प्रसारणे सर्वैरपि श्रद्धा देया एव।

समुद्रजलात् शुद्धजलम् - शास्त्रम् नत्वा राष्ट्रम्।

       

   मुंबई> जलदौर्लभ्यम् अनुभवतां जनानां समाश्वासाय शास्त्रलोकस्य नूतनं योगदानम्। समुद्रजलात् पानयोग्यं शुद्धजलं निर्मितवतां 'बाबा अट्टोमिक् रिसर्च् सेन्टर्'स्थानां शास्त्रज्ञानां योगदानं राष्ट्रे जलदौर्लभ्यम् अनुभवतां प्रदेशानां कृते आश्वासयुक्तं जातम्। प्रतिदिनं ६०,००००० लिटर् जलं शुद्धीकृत्य जलदौर्लभ्यम् अनुभूयमानेषु राज्येषु वितरणाय सज्जं भवति इति तेषाम् अभिप्रायः। तमिल्नाट् राज्ये कल्पाक्कं देशे स्थापिते यन्त्रागारे जलशुद्धीकरणं क्रियमाणं वर्तते। कूटंकुलम् आणवनिलये एवं शुद्धीकृतं जलमेव उपयुज्यते। एवं शुद्धीकृते जले लवणांशः नास्ति एव इति जनाः अभिप्रेतवन्तः च।


 बङ्गाल् राज्ये सि पि एम् + काण्‌ग्रेस् दलम्   

नवदहली >बङ्गाल् राज्ये निर्वाचनप्रक्रियायां सि पि एम् -काण्‌ग्रेस् दलेन अधिकारः प्राप्यते इति निरीक्षणम्। बङ्गाले निर्वाचन प्रक्रियायाः समापनात्परं कृते निरीक्षणे एव अयमभिप्रायः आगतः। इस्लां प्रसिद्धीकरणेन 'मिल्ली गसटट्' दलेन कृतेऽस्मिन् निरीक्षणे सि पि एम् -काण्‌ग्रेस् दलेन १६४ मण्डलेषु विजयः प्राप्यते इति उक्तम्‌। तृणमूलदलस्य १२६ मण्डलेषु जयः भविष्यति इति निरीक्षणं सूचयति।

उत्तराखण्डे भूरिमति नर्णयार्थं सर्वोच्चन्यायालयः।

नवदिल्ली> उत्तराखण्डविधानसभायां मेय् १० दिनाङ्के भूरिमतनिर्णयं कारयितुं सर्वोच्चन्यायालयेन आदेशः कृतः। बहिष्कृतः कोण्ग्रस् दलीयमुख्यमन्त्री हरीष् रावत् तद्दिने विधानसभायां विश्वासमतदानं मार्गयितुमर्हति। अयोग्यानां विमतसामाजिकानां मतदानं उच्च न्यायालयस्य विधिमपेक्षते इति न्यायाधिपयोः दीपक् मिश्रः शिवकीर्तिः इत्यनयोः नीतिपीठेन स्पष्टीकृतम्। विमतसामाजिकानां याचिकां न्यायालयेन अद्य परिगण्यते।

 कूप्यां एव जीव वायुः 

नव देल्ली> लोके विद्यमानेषु उत्तमः जीववायुः इत्युक्त्वा वैट्टली एयर् इति कूपीसंभृतः वायुः भारतस्य भूखण्टे अवतारितः।  दूषितेन अन्तरीक्षवायुना पीडितानि नगराणि एव तेषां लक्ष्यस्थानम्। विश्व-स्वास्थ्य-संस्थायाः श्रेणीकरणे वायूदूषणेन प्रथमस्थाने वर्तमानः देल्ली नगरः एव  तेषां लक्ष्यम्। 3 लिट्टर् 8 लिट्टर् कूप्पि एव इदनीम् लभते। क्रमानुसारं वायोः मूल्यः ₹ 1450, ₹ 2800 च। एकवारं श्वसनं कर्तुं ₹12.50 आवश्यकमिति। चीनायाम् जनैः ओन् लैन् द्वारा द्वादशसहस्रं कूपीवायुः स्वीकृताः आसन् । 

Sanskrit Dramma   संस्कृतनाटकम

बंगाले निर्वाचनं समाप्तम्।

कोल्कोत्ता > पश्चिमबंगराज्ये निर्वाचनप्रक्रिया समाप्ता। ह्यः षष्ठम् अन्तिमम्  च चरणमासीत्। तत्र ८४.२४% सम्मतिदायकाः मतदानं कृतवन्तः।
  निर्वाचनस्य अन्तिमचरणं प्रायेण शान्तिसमन्वितमासीत्। कुच् बीहार् मेदिनिपुरं जनपदेषु २५ मण्डलेष्वेव ह्यः निर्वाचनं सम्पन्नम्। आहत्य २९४ मण्डलानि सन्ति। मतगणनप्रक्रिया मेय् १९ तमे दिने भविष्यति।

११ तालिबान् जनानां पाक्किस्थाने मृत्युदण्डः 

इस्लामाबाद्‌> पाकिस्थानस्य सैनिकन्यायालयेन एकादश संख्यकाः तालिबान् भीकराः मृत्युदण्डः लब्धः।
वधः, अपहारः, आरक्षकान् प्रति आक्रमणम्, सार्वजनिक संस्थायाः नाशः च एतैः अनुिष्ठतताः। पेषावारे १५० संख्यकाः विद्यालय-छात्राः २०१४ तमे वर्षे तालिबान् दलेन हताः असन्। तदनन्तरमेव सैनिक-न्यायालयः संस्थापितः।

उत्तराखण्डे मुख्यन्यायाधिपस्य स्थानचलनम्।

नवदिल्ली - उत्तराखण्डे उच्चन्यायालयस्य मुख्यन्यायाधिपः ज. के एम् जोसफः , येन राज्ये केन्द्रसर्वकारेण आयोजितं राष्ट्रपतिशासनं निरस्तं , चलितस्थानः अभवत्। हैदराबादे आन्ध्राप्रदेशस्य मुख्यन्यायाधिपरूपेणैव स्थानचलनम्।
  उत्तराखण्डे राष्ट्रपतिशासनम् आयोजितवन्तं केन्द्रसर्वकारं ज. जोसफः रूक्षतया विमृश्य एव क्रियाविधिं निरोधते स्म।

मल्यस्य त्यागपत्रम् अस्वीकृतं,बहिष्कर्तुम् अभियाचना। 

नवदिल्ली >विवादमद्यव्यापारिणः विजयमल्यस्य राज्यसभांगत्वत्यागपत्रं सभाध्यक्षेण हमीद् अन्सारिणा तिरस्कृतम्। त्यागपत्रसमर्पणं यथाविधिः नासीदिति कार्यालयवृत्तैरुक्तम्।
परन्तु मल्यं  बहिष्कर्तुं सभायाः सदाचारसमितिः अभ्ययाचत।

 वासयोग्यानां ग्रहाणां दर्शनं  वैञ्ज्ञानिकलोकं प्रतीक्षायाम् 

          पारीस्> राष्ट्रान्तरीयगवेषणसङ्घस्य पठने जीव-वासयोग्यानां त्रयाणाम् अन्यग्रहणां दर्शनम्। भूमेः ४० प्रकाशवर्षाणां दूरे कस्यचित् कृशनक्षत्रस्य जीवसाध्यतामण्डले एव त्रयाणां ग्रहाणां सञ्चारः। भूमेः बहिः उषितुं अत्यधिकम् अनुकूलसाहचर्ययुक्ताः एव एते ग्रहाः इति गवेषकसङ्घानाम् अभिमतः। 'यूरोप्यन् ओर्गनैसेषन् फोर् अस्ट्रोणमिकल् रिसर्च्' इति सङ्‌घस्य वैज्ञनिकाः एव गवेषणकार्यस्य नेतृत्‍वं वहन्ति।

 व्याज मैदा- अन्वेषणाय मद्रास् उच्च न्यायालयस्य आदेशः।

चेन्नै > गोधूमोत्पन्नायां मैदायाम् आपत्कराणि रासवस्तूनि योजयन्ति इति आरोपणमन्वेष्टुं भक्ष्यसुरक्षा अधिकारिणः मद्रास् उच्चन्यायालयेन आदिष्टाः। आरोपणं सत्यं चेत् दोषारोपितान् विरुध्य शीघ्रं अनन्तरक्रिया स्वीकरणीया इति च आदिष्टा।

मैदायाः श्वेतवर्णकरणाय अलोक्सन् नाम रासवस्तुम् उपयुज्यते इति सार्वजनीनपरीवादे आसीत् श्रेष्ठ न्यायाधिशयोः एस्‌. के कौल् न्याय- एम् के सुन्दरेश् प्रमुखयोः पीठिकातः अयं निदेशः। मासत्रयाभ्यन्तरेण अन्वेषणं  समापनीयम्।

रासयुक्त मैदायाः उपयोगः मनुष्याणां आग्नेयग्रन्थिं नाशयति। आग्नेयग्रन्थेः नाशः मधुमेहस्य मूलकारणमेव अतः अस्मिन् परीवादे प्राधान्यमस्ति इति न्यायालयेन निरीक्षितः।

लोकभाषायाः व्याकरणमपि संस्कृतभाषाया रचितः - डा. चान्द किरण सलूजा।

डाँ. चान्द किरण सलूजा महाभागस्य भाषणम्

कोची > लोकेषु विद्यमानासु भाषासु व्याकरणनियमानि संस्कृतभाषायाः उपलब्धानि इति द्वितीयः संस्कृत -कम्मीषन् डाँ. चान्द किरण सलूजा महाभागेन उक्तम्। आङ्गलभाषायां "N" शब्दस्य विविधेषु पदेषु उच्चारणं भिन्नम् अस्ति, किन्तु उच्चारण नियमः नास्ति। किन्तु अङ्गलेयपदस्य उच्चारण काले आङ्गलेयं संस्कृत-भाषायाः नियमान् अनुसरन्ति च । संस्कृत-उच्चारण-नियमानुसारं 'तोर्लि' इति सूत्रं उद्धृत्य उदाहरणसहितमासीत् तस्य भाषणम्।

संस्कृत-संवर्धन-प्रतिष्ठानेन आयोज्यमाना एकदिनात्मिकायां शिल्पशालायां भाषमाणः आसीत् सः। केरलस्य विविधेभ्यः मण्डलेभ्यः वैज्ञानिकाः, संस्कृत-कार्यकर्तारः, भिषग्वराः, शिक्षकाः, टङ्कणज्ञाः, पत्रकाराश्च अस्मिन् भागभाजिनः आसन्।

अस्याः शिल्पशालायाः उद्‌घाटनम् संस्कृत भाषायाः अन्तर्देशीय कण्सल्टन्ट डा. पण्डितरत्नं जि. गङ्गाधरन् नायर् महोदयः कृतवान् । संस्कृतभारत्याः अखिलभारतीय सङ्घटनामन्त्री वाचस्पति प. नन्दकुमारः अध्यक्ष: आसीत्। श्री शङ्कराचार्य विश्वविद्यालयस्य साहित्यविभागाध्यक्षः डॉ. धर्मराज अटाट्, ब्रह्मस्वं मठाध्यक्षः परमेश्‍वरन् नम्पूतिरि, डा. एम्.वी नटेशः, डा. सि एन् नील कप्ठः, डा. ई. एन् ईश्वरन् इत्यादयः च उपस्थिताः आसन्।

पञ्च वर्षाभ्यन्तरेण बंगलूरु वासाय अयोग्यः भविष्यति।

बंगलूरु > भारत वैज्ञानिक संस्था (IISC) सूचयति यत् पञ्च वर्षाभ्यन्तरेण बंगलूरु नगरे वासः वायूप्रदूषणेन दुष्करं भविष्यति। गत चत्वारिंशत् वर्षं यावत्  वृक्षछेनं अनुवर्तते अत्र। वृक्षच्छेदनं कृत्वा हर्म्यनिर्माणं प्रतिशतं पञ्चविंशत्युत्तर पञ्च शतम् (५२५% ) आधिक्यं दृश्यते। हरिताभा ७८% न्यूना।

जलाशयाः ७९% न्यूनाः । एतस्याः अवस्थाः
नगरमिदानीं नरकवत् भाति इति प्रोफसर् टि. वि रामचन्द्रः अवदत्। समुद्रात् उपरि ३००० पदेषु विद्यमानायां नगरे नदी नास्ति चेदपि ६०० संख्याधिकाः
जलाशयाः आसन् । शतंकिलोमीट्टर् दूरे विद्यमाने कावेरी नद्याः जलमेव अत्र आनयति। कावेरी नदी तु इदानीं दुर्दशायां च । जनसंख्या इदानीं कोटी चI त्वरितपरिहारः आवश्यकः इति, अनुसन्धानानन्तरं IISC सूचयति।

संस्कृतं सरलमिति घोषयित्वा विश्वसंस्कृतप्रतिष्ठानस्य राज्यस्तरीयसम्मेळनं समाप्तम्।

कोच्ची> भारतस्य सांस्कृतिकभाषारूपेण परिलसत् संस्कृतं सामान्यजनैरपि दैनंदिनभाषणाय समर्थमिति उद्घोषयन् संस्कृतभारत्याः केरळीयघटकस्य विश्वसंस्कृत-प्रतिष्ठानस्य ३६तम राज्यस्तरीयसम्मेलनं एरणाकुळं जिल्लायां मुवाट्टुपुष़ासमीपस्थे तिरुवुंपिलाव् मन्दिराङ्कणे सम्पन्नम्।

   प्रतिनिधिसभां श्रीधरीयं निदेशकप्रमुखः डो. एन् पि पि नम्पूतिरिवर्यः उद्घाटनं कृतवान्। प्रतिष्ठानस्य राज्याध्यक्षः डो. एम् पि उण्णिकृष्णः आध्यक्ष्यमवहत्। पण्डितरत्नं डो. जि गंगाधरन् नायर् मुख्यभाषणमकरोत्। संस्कृतभारत्याः अखिलभारतीयसंयोजकः वाचस्पतिः प. नन्दकुमारः वि श्रीकुमारः, पि के राजेष् कुमारः इत्येते प्रभाषणकुर्वन्।

  सायाह्ने संवृत्तस्य संस्कृतकलासन्ध्या-कुटुम्बसंगमस्य उद्घाटनं प्रख्यातेन संस्कृतचलच्चित्रनिदेशकेन विनोद् मङ्करा वर्येण कृतम्।ततःपरं कोयिलाण्टी 'भास अक्कादम्याः' एम् के सुरेष् बाबुना अवतारितं कर्णभारं संस्कृतनाटकं आस्वादकहृदयान् अभिभवति स्म।

सौरयूथे लाङ्गूलहीनं नक्षत्रम् 

वाषिङ्टण् >सौरयूथस्य धूमकेतुगणे अन्तर्भूतं चेदपि लाङ्गूलं नास्ति इति वैशिष्ट्येन एकः धूमकेतुः। अमुं धूमकेतुम् अधिकृत्य पठनं कर्तुम् उद्युक्ताः सन्तः अमेरिकायाः हावा विश्वविद्यालयस्य शास्त्रज्ञा:। सौरयूथस्य उद्भवः, परिणाम: इत्येतेषां गहनविषयाणां पठनाय अत्यन्तं सहायकं भवति नूतनमेतत् दर्शनम्। नक्षत्रस्य अस्य नाम सि-२०१४-एस् ३, भ्रमणसमयः ८६० वर्षाणि च भवन्ति।

मोदी शासने सम्मिश्रप्रतिकरणम्
पुनरपि प्रधानमन्त्री भवतु इति ७०%जनाः 
'सि एम् एस् रिसेर्च हौस्'अनुसन्धान संस्था

नवदेहली >द्वाभ्यां वर्षाभ्यां मोदिशासनेन राष्ट्रे प्रत्येकं परिवर्तनं किमपि न जातम् इति पठनवृत्तान्तरेखा। 'सि एम् एस् रिसेर्च हौस्' इति सङ्धेन कृते पठने जनजीवने प्रत्येकं परिवर्तनं किमपि न जातमिति ४९% जनाः अभिप्रेतवन्तः। जनजीवनं अधिकतया कष्टतां प्राप्तम् इति १५% जनानाम् अभिमतः इति पठनं रेखीकरोति। अवश्यवस्तूनां मूल्यवर्धनं, उद्योगाभावः इत्येतासां समस्यानां परिहरणे मोदिशासनम् अशक्तमेव। केन्द्रपद्वतीनां निर्वहणं कार्यक्षमं न भवति इत्यपि पठनं अभिप्रैति। परन्तु नरेन्द्रमोदी राष्ट्रतात्पर्यं, विकसनं च लक्षीकृत्य एव अग्रे गच्छति इत्यपि जनाः अभिप्रयन्ति इत्यपि पठनं रेखीकरोति।

नीट् परीक्षायाः प्रथमश्रेणी सम्पन्ना।

कोच्ची > राष्ट्रस्य वैद्य - दन्त वैद्यशिक्षापद्धत्याः एकीकृत देशीय योग्यता परीक्षा (NEET) विविधकेन्द्रेषु सम्पन्ना। केरळे अनन्तपुरी कोच्ची कोष़क्कोट् नगरेषु शतपर्यन्तं केन्द्रेषु परीक्षा चालिता।
  छात्राः रक्षितारश्च अखिल भारतपरीक्षां स्वागतं कुर्वन्त्यपि सिद्धतार्थं समयलेशः अभवदिति आक्षेपः वर्तते।

नरेन्द्रमोदी प्रथमश्रेण्याम् एव

 अहम्मदाबाद् > प्रधानमन्त्रिणः नरेन्द्रमोदिनः  अध्ययनयोग्यता विषये उन्नीतस्य आक्षेपस्य तात्कालिकविराम:। नरेन्द्रमोदिना गुजरात् विश्वविद्यालयात् राष्ट्रमीमांसायां ६२.३% अङ्‌कान्‌ प्राप्य बिरुदानन्तरबिरुदं प्राप्तम् इति कुलपतिना एं एन् पट्टेल् महोदयेन स्थिरीकृतम्। केन्द्रीय वृत्तान्तज्ञापनाधिकारसमितेः आदेशमनुसृत्य एव कुलपतिना स्थिरीकरणं दतं वर्तते। मोदिन: बिरुदमपि नास्तीति दिल्ली मुख्यसचिवेन अरविन्दकेज्रिवालेन आक्षेपः उन्नीतः आसीत्।

 मुष्टियुद्धे भारतीयरत्नस्य जैत्रयात्रा

लण्डण् >उद्योगात्मके मुष्टियुद्धे भारतीयरत्नस्य विजेन्दर् सिंहस्य पञ्चमः अविरामविजयः। लण्डणे संवृत्तायां क्रीडायां फ्रञ्च् क्रीडकं माटियोस् रोयरं विना प्रयासं विजेन्दरः पराजितवान्। पञ्चमपङ्क्त्याः पूर्वमेव विजेन्दरः विजयपथं प्राप्य उद्योगात्मकेऽस्मिन् मण्डले स्वशक्तिम्  प्रादर्शयत्।

 उत्तर-खण्डे 1500 ग्रामाः दावाग्निभीत्याम्।

डोराडूण् > उत्तराखण्डे १५०० ग्रामाः दावाग्नेः भत्याम् इत्यनेन भारत-सर्वकारेण जाग्रतायै  निर्दिष्टः। दुरन्त-निवारणसेनायाः त्रयः सङ्‌खाः तत्र नियुक्ताः वर्तन्ते। षट्संख्यकाः जनाः दुरन्ते मृताः। तेषु द्वौ स्त्रियौ।

यावत्कालं विविधासु प्रविश्यासु त्रिसहस्र-'एक्कर्' मितः भूमिः अग्निना ज्वालिता। राज्यस्य पञ्चाशत् भागेभ्यः अग्निः व्याप्नोति।शुक्रवासरे रात्रौ अपि अग्निः नियन्त्रणाधीना इत्यनेन ग्रामीणौ:  स्वगृहात् सुरक्षितस्थानानि प्रविष्टानि। एम्  ऐ- १७ लम्बक विमानस्य  (Helicopter) साहाय्येन अग्निं शामयितुं प्रयत्नः अनुवर्तते।

संस्कृतभारत्याः एर्णाकुलं प्रांतीय वर्षिकोत्सवः समारब्ध:

संस्कृतभारत्याः एर्णाकुलं प्रांतीय वर्षिकोत्सवे केरल राज्याध्यक्षः डा.एम् . पि उण्णिकृष्णमहाभागः भाषणं करोति

 उच्चतरन्यायालये केरलस्य निवेदनम्

 राष्ट्रे वैद्यबिरुदपठनप्रवेशाय एकीकृतपरीक्षा(नीट्) विषये उच्चतरन्यायालये केरल राज्येन निवेदनं समर्प्यते। केरले प्रवेशन परीक्षा समापिता इति निवेदने सूचयिष्यति। केरलम् अतिरिच्य गुजरातसर्वकारेणापि प्रवेशनपरीक्षा समापिता वर्तते।

 प्रधानमन्त्रिणः विद्याभ्यासयोग्यतां ज्ञापयितुं केन्द्रवृत्तान्तज्ञापनाधिकार समितेः निर्देश:

  नवदेल्ली> प्रधानमन्त्रिणः नरेन्द्रमोदिनः विद्याभ्यासयोग्यता: ज्ञापयितुं केन्द्रवृत्तान्तज्ञापनाधिकारसमितिः प्रधानमन्त्रिणः कार्यालयं,दह्ली-गुजरात् -विश्वविद्यालयौ च न्यवेदयत् । २०१४- कालस्य निर्वाचनवेलायां मोदिना समर्पितसत्यप्रस्तावनायां दह्ली विश्वविद्यालयात् बिरुदं, गुजरात् विश्वविद्यालयात् बिरुदानन्तरबिरुदं च सम्पादितम् इति सूचितमासीत्। इदानीं प्रधानमन्त्रिणःविद्याभ्यासयोग्यतायाः विषये दह्ली मुख्यसचिवेन अरविन्द केज्रिवाल् महोदयेन आक्षेपः उन्नीत: अस्ति। योग्यताविषये स्थिरीकरणम् आवश्यकम् इति संसूच्य केज्रिवाल् केन्द्रवृत्तान्तज्ञापनाधिकारसमितिं प्रति लेखं प्रेषयति स्म। अत एव विषयेऽस्मिन् केन्द्रवृत्तान्तज्ञापनाधिकारसमितिः स्पर्शनमकरोत्।

 उत्तराखण्डे दावाग्निः - पञ्च जनाः मृताः

डेराडूण् : - उत्तराखण्ड् राज्ये कुमा-ओण् ,घर्वाल् इत्यनयोः प्रदेशयो: दावाग्निः। दावाग्नौ पञ्च जनाः मृताः इति सूचना । १८९० हेक्टर् वनप्रदेश: दावाग्नौ तप्तःI तिस्र: देशीयदुरन्तनिवारणसेनाः    रक्षाप्रवर्तनानां नेतृत्वम् आवहान्ति।

 नेत्रे उन्मीलिते

 नवदेल्ली >भगत्सिंह:,चन्द्रशेखर् आसादः, सूर्यासेन् इत्येतान् चरित्रपुरुषान् विपर्ययं कृत्वा चित्रीकृतं विवादपुस्तकं दह्ली विश्वविद्यालयेन पाठ्यपद्धतेः निष्कासितम्। विवादपुस्तकस्य उपरि महान् आक्षेपः उन्नीत: आसीत् । पुस्तकस्य  निष्कासनाय भगत्सिंहस्य बान्धवाः निवेदनं दत्तवन्तः स्म। पुस्तकं निष्कासयितुं केन्द्रमानव विभवशेषिमन्त्रालयेन निर्देशः दत्तः आसीत्। अत एव विश्वविद्यालयेन व्यवहारः स्वीकृतः। अपि च पुस्तकस्य वितरणं विक्रयणं च निरोधितं वर्तते।

समुद्रस्य अधस्तले अपि "अनावृष्टिः" : मत्स्याय दुर्भिक्षः।

कोच्ची > राष्ट्रस्य मत्स्यसम्पदि महदूनं कुर्वन् समुद्रस्य अधस्तले अपि अनावृष्टिप्रतिभासः। अनेन केरलतीरेषु १६% ऊनं मत्स्यलभ्यतायामभवत्। केन्द्रसमुद्रमत्स्यगवेषणकेन्द्रेण आयोजिते सर्वेक्षणे एवेदं वीक्षणम्। समुद्राधस्तलतापः क्रमातीतः वर्धितः। अतः तत्रत्याम् आवासव्यवस्थायां परिवर्तनमभवत्। मत्स्यानाम् आहारलभ्यतायामपि महदूनं जातम्।

 पुनरपि अमेरिकायां मोदिः

वाषिङ्टण् > स्वीयजनप्रतिनिधिसभायाः संयुक्तसम्मेलनम्‌ अभिसम्बोध्य प्रभाषणाय भारतप्रधानमन्त्रिं नरेन्द्र मोदिम् आमन्त्र्य अमेरिका। जूणमासे ८ दिनाङ्‌के सम्भाव्यमाने योगे मोदिः सभाम् अभिसम्बोध्य प्रभाषणं करिष्यतीति विश्वासः। एतदर्थं यु एस् सभाया: वक्तुः आमन्त्रणं प्रधानमन्तिणः कार्यालयेन प्राप्तम्। एवञ्चेत् अमेरिकायाः जनप्रतिनिधिसभाम्‌ अभिसम्बोध्य प्रभाषणं क्रियमाणः पञ्चमः प्रधानमन्त्री भवेत् मोदिः।

आकाशयात्रायां सुखजननम् कान्‌बरा > सिङ्गपूरतः म्यान्मारयात्रावेलायां विमाने युवत्याः सुखप्रसूतिः। सोलेर् हितु इति नामिका युवती सो जेट् स्टार् इति नामके विमाने यात्रावेलायां पुत्राय जन्म अदात्। पुत्राय विमानस्य नाम दत्वा नामकरणमपि कृतं वर्तते।

l

मल्ल्यां निष्कासयितुं भारतस्य अभ्यर्थना  नवदेहली - विवादमद्यव्यापारिं विजयमल्ल्यां ब्रिटण्देशात् निष्कासयितुं भारतेन अभ्यर्थितम्। भारतस्थं ब्रिटीषस्थानपतिं केन्द्रविदेशकार्य मन्त्रालयः अभ्यर्थनां न्यवेदयत्। ब्रिटण्देशस्थेन भारतस्थानपतिना अपि विषयममुं निवेदयति स्म।

वन्ध्यभूमौ विद्युत् आन्दोलनाय सर्वकारः

जयपुरः > राष्ट्रे आतपस्य काठिन्यं वर्धमानेऽस्मिन् समये तत् उपकारप्रदं कर्तुं केन्द्रसर्वकारेण पद्धतिः आविष्क्रिता। राजस्थाने गङ्गानगर् मण्डले ४०० हेक्टर परिमितौ वन्ध्यभूमौ केन्द्रकार्षिक मन्त्रालयस्य आभिमुख्ये सोलार् पानल् संस्थाप्य २०० मेगावाट् विधुत् उत्पादयितुं केन्द्रसर्वकारेण पद्धतिः आविष्कृता। पद्धत्यै केन्द्र बीजोत्पादकसङ्घेन प्रदेशानुमतिः दत्ता।

केरळे उष्णतरङ्गः; सूर्यातपेन  त्रयः मृताः। 

कोच्ची > केरळराज्ये इदंप्रथमतया उष्णतरङ्ग इति पर्यावरणविशेषः स्थिरीकृतः। पालक्काट् कोष़िक्कोट् आदिषु जनपदेषु कतिपयदिनैः अनुवर्तमानं महत्तापं परिगणयन् केन्द्र पर्यावरणविभागाधिकृतैः एवं प्रख्यापितम्।
  ह्यः त्रयः कर्मकराः सूर्याघातेन मृताः। कोल्लं जनपदे आयूर् प्रदेशनिवासी जि. गोपिः(65) केदारे कर्षणवेलायां सूर्यातपेन मृतः। कोट्टयं जनपदनिवासी धीवरश्च साबुः(43) , कण्णूर् जनपदीयः ६८वयस्कः केरवृक्षारोहणकर्मकरश्च जोसफः सूर्यातपेन मृतावन्यौ।

केरळविधानसभानिर्वाचनं - पत्रिकासमर्पणं समाप्तम्।

अनन्तपुरी> राज्ये विधानसभानिर्वाचनार्थं प्रत्याशिनां नामनिर्देशपत्रिकासमर्पणं सम्पूर्णम्। आहत्य १६४७ पत्रिकाः समर्पिताः। पत्रिकाणां सूक्ष्मशोधना अद्य भविष्यति।
  सोमवारपर्यन्तं पत्रिकाप्रत्यर्पणं साध्यते। मेय् १६ तमदिने निर्वाचनं भविष्यति।

गुजरातराज्ये मितव्ययसंवरणम्‌ 

गन्धिनगर् >धनसम्पादन -व्ययस्थितिमनुसृत्य समूहे पराङ्मुखानां जनानां कृते संवरणाय गुजरातसर्वकारस्य निश्चयः।तेषां कृते १०% संवरणाय नियमशासनम् आविष्कर्तुं निश्चयः स्वीकृतः इति मुख्यसचिवा आनन्दी बेन् पटेल् अवदत्। शासनं मेय् १ तः साधुतां प्राप्नोति।येषां वार्षिकधनादायः ६ लक्षात् न्यूनं भवति ते संवरणार्हाः भवन्ति इति अधिकृतैः सूचितम्।

समाश्वास वचनैः सह केन्द्र सर्वकारः

नवदेहली >राष्ट्रे वैद्यपठनविषये एकीकृतप्रवेशनपरीक्षा आवश्यकी इति उच्चतरन्यायालयस्य नियमशासनोपरि केन्द्रसर्वकारस्य श्रद्धादानं वैद्यछात्राणां कृते समाश्वासप्रदम्‌। नियमशासनम् अस्मात् वर्षात् परं भवतु इति केन्द्र सर्वकारपक्षतः ए जि मुकुल् रात्तगिना उच्चतरन्यायालयं प्रार्थितम्‌। विविधैः राज्यैः संघटितानां प्रवेशनपरीक्षाणाम् असाधुत्वकरणमपि प्रतिनिवर्तनीयम् इत्यपि सर्वकारेण अभ्यर्थितम्।

प्रथमं सल्मान्, इदानीं क्रीडकाश्च।

 नवदेहली >भारतीय ओलिम्पिक्समितेः सन्नद्धप्रतिनिधि रूपेण अभिनेतुःसलमानस्य चयनं विवादात्मकम् आसीत्। क्रीडामण्डलात् बहिः प्रवर्तमानस्य एकस्य चयनम् अनुचितमेव इति प्रमुखै: अभिप्रेतमासीत् ।इदानीन्तु समितिः क्रीडामण्डलादपि प्रमुखान् निर्णेतुं निश्चयमकरोत्। तदर्थं सचिन् तेण्डुल्करः, अभिनवबिन्द्रा इत्यादयः प्रमुखाः समितेः पट्टिकायां स्थानमारूढाः इति वार्ताः प्रसरन्ति । सङ्गीतप्रतिभायाः ए आर् रहमानस्य नाम अपि उन्नीतम् इति श्रूयते।

वैद्य-दन्तवैद्यप्रवेशाय एकीकृत प्रवेशनपरीक्षा।

नवदिल्ली > भारते एम् बी बी एस् , बि डि एस् इति वैद्य,दन्तवैद्य पठनपद्धत्योः प्रवेशाय राष्ट्रव्यापिकाम् एकां योग्यतानिर्णयप्रवेशकपरीक्षां (NEET) चालयितुं सर्वोच्चन्यायालयेन आदेशः कृतः। मेय्मासस्य प्रथमे दिने प्रचाल्यमाना अखिलभारत पूर्ववैद्यपरीक्षा नीट् परीक्षायाः प्रथमसोपानमिति परिगणिष्यते।
   जूलाय् २४ तमे दिने द्वितीयसोपानपरीक्षा भविष्यति। परीक्षाद्वयस्यापि फलं आगस्ट् १७ तमे प्रसिद्धीकृत्य प्रवेशनकार्यक्रमाः सेप्तम्बर् ३०तमदिनाभ्यन्तरे पूर्णताम् एष्यन्ति।
  सर्वेभ्यो सर्वकार-वैयक्तिक कलालयेभ्यः कल्पितविश्वविद्यालयेभ्यश्च सर्वोच्चनीतिपीठस्य अयमादेशः अनुसरणीयो भवति।