जम्मुकाश्मीरेषु अज्ञातरोगबाधया १६ जनाः मृताः । सर्वकारेण वैद्यसंघाः नियुक्ताः।
श्रीनगरम्> जम्मुकाश्मीरेषु प्रसरितेषु अज्ञातरोगबाधासु १६ जनाः मृताः। रोगव्यापनं प्रतिरोद्धुं सर्वकारेण वैद्यसंधाः नियुक्ताः सन्ति। रौजौरि जनपदे बधाल ग्रामे ४५ दिनाभ्यन्तरे एव ईदृशी मृतिः अभवत्। २०२४ दिसंबर् मासस्य सप्तमे दिनाङ्के आसीत् रोगबाधया प्रथममरणम् आवेदितम्।
गासायुद्धविरामः - इस्रयेलस्य सुरक्षामन्त्रिमण्डलस्य अङ्गीकारः।
गासासिटी> १५ मासान् यावत् अनुवर्तमानस्य इस्रयेल - हमासयुद्धस्य विरामाय बन्धितानां मोचनाय च मध्यस्थराष्ट्रैः कृताय शान्तिसन्धये इस्रयेलस्य सुरक्षामन्त्रिमण्डलस्य अङ्गीकारः लब्धः। प्रधानमन्त्री बञ्चमिन् नेतन्याहू इत्यस्य नेतृत्वे गतदिने आसीत् सुरक्षामन्त्रिमण्डलं सम्पन्नम्। अचिरेणैव सम्पूर्णमन्त्रिमण्डलम् आयोज्य अन्तिमनिर्णयं करिष्यति।
संस्कृतभारतीदेहरादूनेन गीतशिक्षणकेन्द्रस्य शुभारम्भो विहितः।
वार्ताहरः - धीरजमैन्दानी
देहरादूनम्> संस्कृतभारती देहरादून द्वारा पंचायती मंदिर घोसी गली देहरादूने गीताशिक्षण केंद्रस्य शुभारंभः कृतः। मुख्यातिथि श्री रवि गिरी महाराजः जंगम शिवालयः, विशिष्टातिथिः श्री विकास वर्मा हनुमान चालीसा साप्ताहिक मिलन प्रांत प्रमुखः बजरंग दलं, कार्यक्रमस्य अध्यक्षः डॉ प्रदीप सेमवालः जनपदमंत्री देहरादूनम्, केंद्रशिक्षकः आचार्यः योगेशकुकरेती अथ च सहकेंद्र शिक्षकः नवनीत राजवंशी च दीपप्रज्ज्वालनं कृत्वा अकुर्वन्।
कार्यक्रमे मुख्यातिथिना स्वामिना रवि गिरिणा द्वारा गीतायाः महत्वं कथितं यत् गीता अस्माकं भारतीय संस्कृतेः आधारो विद्यते। अतः एव प्रत्येकं भारतीयेन प्रत्येकेन संस्कृतं पठनीयम्।
बहिराकाशपेटकसंयोजनं विजितम्।
भारतस्य चरित्रलब्धिः।
बङ्गलुरु> भूमेः भ्रमणपथे भारतस्य द्वे बहिराकाशपेटके संयोजिते। एस् डि एक्स् ०१ [चेसर्] , एस् डि एक्स् ०२ [टार्गट्] इति उपग्रहपेटकद्वयस्य बहिराकाशे संयोजनं [स्पेय्स् डोकिंङ्] विजयप्रदमभवत्। अनेन स्पेय्स् डोकिंङ् क्षेत्रे विजयीभूतं चतुर्थं राष्ट्रं भवति भारतम्। यू एस्, रष्या, चीनम् इत्येतानि अन्यानि राष्ट्राणि।
२०२४ डिसम्बर् ३० तमे दिनाङ्के आसीत् लघूपग्रहयोः विक्षेपः। जनुवरि सप्तमे दिनाङ्के संयोजनं कर्तुं निश्चितमासीत्तर्ह्यपि साङ्केतिकदोषात् परिवर्तितम्। विविधाः समस्याः परिहृत्य एव भारतस्य उद्दिष्टफलप्राप्तिः।
संयोजनसमये पेटकद्वयं भूमेः ४७५ कि मी दूरे, १० मिल्लीमीटर् प्रति सेकन्ड् प्रवेगे, परस्परस्पर्शमात्रे आसीत्। ह्यः प्रभाते ६. ३० वादने आरब्धा संयोजनप्रक्रिया ६. ४० वादने समाप्ता।
गासातः आश्वासवृत्तान्तः।
४२ दिनात्मकयुद्धविरामाय सम्मतिः।
दोहा> १५ मासान् यावत् गासायाम् अनुवर्तमानस्य इस्रयेल-हमासयुद्धस्य अल्पकालिकविरामाय पक्षद्वयस्य सम्मतिर्जाता इति मध्यस्थैः निगदितम्। 'रोयिटर्' वृत्तान्तमाध्यमेनैव वृत्तान्तमिदं बहिरागतम्।
यू एस् राष्ट्रस्य सहयोगेन ईजिप्त्, खत्तरराष्ट्रयोः नेतृत्वे मासैरनुवर्तितायां चर्चायामेव ४२ दिनात्मकयुद्धविरामाय इस्रयेलस्य हमासस्य च सम्मतिः जाता। इस्रयेलमन्त्रिमण्डले अद्य एतदधिकृत्य निर्णयो भविष्यति।
अमेरिका मित्रराष्ट्राणि च शक्तिशालिनः, विपक्षाः दुर्बलाः; रष्यं चीनम् इरानं च उल्लेख्य कठोरं विमर्शनं कृत्वा बायडनस्य निवृत्तिसभाषणम्।
निर्वाचनविजयं प्राप्य पुनः अमेरिकासंयुक्तराज्यस्य राष्ट्रपतिपदं प्रति आगन्तुं ट्रम्पः सपताहिक्यस्य समयः शेषः सन्, गतेषु विगतेषु चतुर्षु वर्षेषु अमेरिकायाः प्रगतेः उल्लेखं कृत्वा जो बायडनः निवृत्तिसभाषणं कृतवान् पश्चिमायाम् एष्यायां संघर्षाणां विषये यूक्रैनदेशस्य च आक्रमणस्य प्रसङ्गे रष्यः, चीनः, इरानः इत्येतानि राष्ट्राणि बैडनस्य भाषणे तीव्रं समालोचितानि। चीनदेशेन कथञ्चिदपि अमेरिकां पराजेतुं न शक्यते, अमेरिका च विश्वस्मिन् परमशक्तिरूपेण एव स्थितिं धारयति इति बैंडनः उक्तवान्। गज्जाप्रदेशे युद्धविरामः स्थापितः ।, बन्धिनां विमोचनं च कर्तुं इस्रायल-हमास-सन्धिः अन्तिमसोपाने स्थापितः अस्ति इति च तेन निर्दिष्टम्।
सोनामार्ग-गगनगिरि भौमान्तर्वीथी उद्घाटितः। 
सोनामार्ग भौमान्तर्मार्गस्य कवाटः।
श्रीनगरं> जम्मुकाश्मीरे सोनामार्गनगरं प्रति आसंवत्सरं सुगमसञ्चारसाध्यः भौमान्तर्मार्गः प्रधानमन्त्रिणा नरेन्द्रमोदिना गतदिने उद्घाटितः। सोनामार्ग-गगनगिरि सुरङ्गमार्गस्य ६. ५ कि मी दूरमस्ति।
२७०० कोटिरूप्यकाणां व्ययेन निर्मितः अयं युगलपङ्क्तिमार्गः कस्मिन्नपि प्रतिकूलपर्यावरणे उपयोक्तुं शक्यते। २०१५ तमे वर्षे अस्य निर्माणमारब्धम्।
शबरिगिरौ अद्य मकरज्योतिदर्शनम्।
लक्षशः भक्ताः उपस्थिताः। 
पन्तलं राजभवनात् प्रस्थिता विशिष्टाभरणघोषयात्रा वटशेरिक्रप्रदेशे प्राप्ते।
पत्तनंतिट्टा> केरले शबरिगिरौ मकरसंक्रममण्डलकालस्य समाप्तिमालेख्यमानस्य मकरज्योतिदर्शनाय सुवर्णाभरणभूषितं धर्मशास्तारं द्रष्टुं च भगवत्सन्निधानं पूर्णसज्जम्। लक्षशः तीर्थाटकाः भक्तजनाश्च सन्निधानपरिसरे समीपप्रदेशेषु च उपस्थिताः वर्तन्ते।
पन्तलं राजभवनात् प्रस्थिता भगवद्विग्रहे अलङ्कार्यमाणानां विशिष्टाभरणानां घोषयात्रा अद्य सायंलन्ध्यायां सन्निधानं प्राप्स्यति। ६. ३० वादने विशिष्टाभरणानि अलंकृत्य दीपाञ्जलिं विधास्यति। तस्मिन् समये एव पोन्नम्पलमेट् इत्यत्र मकरज्योतिदर्शनं शक्यते। आकाशे मकरनक्षत्रमपि उज्वलिष्यति। आत्मनिर्वृतिदायकं पुण्यमुहूर्तं साक्षात्कर्तुं लक्षशः भक्ताः उपस्थिताः सन्ति।
लक्षशः भक्ताः उपस्थिताः।
पत्तनंतिट्टा> केरले शबरिगिरौ मकरसंक्रममण्डलकालस्य समाप्तिमालेख्यमानस्य मकरज्योतिदर्शनाय सुवर्णाभरणभूषितं धर्मशास्तारं द्रष्टुं च भगवत्सन्निधानं पूर्णसज्जम्। लक्षशः तीर्थाटकाः भक्तजनाश्च सन्निधानपरिसरे समीपप्रदेशेषु च उपस्थिताः वर्तन्ते।
पन्तलं राजभवनात् प्रस्थिता भगवद्विग्रहे अलङ्कार्यमाणानां विशिष्टाभरणानां घोषयात्रा अद्य सायंलन्ध्यायां सन्निधानं प्राप्स्यति। ६. ३० वादने विशिष्टाभरणानि अलंकृत्य दीपाञ्जलिं विधास्यति। तस्मिन् समये एव पोन्नम्पलमेट् इत्यत्र मकरज्योतिदर्शनं शक्यते। आकाशे मकरनक्षत्रमपि उज्वलिष्यति। आत्मनिर्वृतिदायकं पुण्यमुहूर्तं साक्षात्कर्तुं लक्षशः भक्ताः उपस्थिताः सन्ति।