संस्कृतभारती-उत्तराञ्चलस्य भाषाप्रबोधनवर्गस्य भव्यारम्भः

वार्ताहर:-कुलदीपमैन्दोला।

 उत्तराखण्डस्य नैनीतालजनपदे रामनगरे संस्कृतभारत्याः उत्तराञ्चलप्रान्तस्य सप्तदिनात्मक: आवासीय: भाषाप्रबोधनवर्गः दीपप्रज्वलनेन सरस्वतीवन्दनया च आरम्भः अभवत् । अतिथीनां परिचयं स्वागतं च श्रीमान् राकेशः सेमवालः अकरोत्। प्रान्तशिक्षणप्रमुखः डॉ. राघवः झा संस्कृतभार -त्याः विविधकार्याणां विषये सर्वान् परिचितान् अकरोत्। उद्घाटनसत्रे मुख्यातिथिः सेवानिवृत्तप्रधानाचार्यः डॉ. सत्यप्रकाशः मिश्रः शिबरे आगतान् छात्रान् संस्कृतभाषायाः महत्वविषये

 तमिलनाटे सहस्रकोटिरूप्यकाणां वञ्चनापहारः।

 वंगदेशे अष्टस्थानेषु ई डि परिशोधनम्। 

कोल्कोत्ता> तमिलनाटराज्ये विविधप्रदेशेभ्यः सहस्रकोट्यधिकरूप्यकाणि छलैः  'सैबर्'व्यवहारैः अपहृतानीति प्रकरणे ई डि संस्थया [Enforcement Directorate] वंगदेशस्य अष्टसु  स्थानेषु परिशोधनं कृतम्। कोल्कोत्तायां पार्क् स्ट्रीट्, साल्ट् लेक्, बागिहाटि प्रदेशेषु पञ्च स्थानेषु, इतरस्मिन् स्थानत्रये च एकस्मिन्नेव काले आसीत् परिशोधनम्। एकः निगृहीतः इति सूच्यते। 

  भारतस्य पूर्वीयराज्यानि केन्द्रीकृत्य छलात्मकसैबर् व्यवहारः अनुवर्तते इति ई डि अधिकारिभिः सूचितम्। केरले अपि बहवः विद्यासम्पन्नाः अपि सैबर् अत्याचारे लग्नाः सन्तः विनष्टवित्ताः जाताः।

 एष्यायाः बृहत्तमकौमारकलोत्सवाय अद्य अनन्तपुर्यां ध्वजारोहः। 

संस्कृतोत्सवे १९ प्रकरणानि। 

कलोत्सवस्य मुख्यवेदिका। 

अनन्तपुरी> एष्यायाः बृहत्तमः कौमारकलोत्सवः इति प्रसिद्धिमाप्तः केरल विद्यालयकलोत्सवः अद्य राजधानीनगरे अनन्तपुर्यां समारभते। अष्टमदिनाङ्कपर्यन्तम् आयोज्यमाने कलोत्सवे केरलस्य १४ जनपदेभ्यः १५,००० कौमारछात्राः विविधासु कला-साहित्यस्पर्धासु स्वस्वप्रतिभाः अवतारयिष्यन्ति। 

  २५ वेदिकासु २४९ प्रकरणानि निकषायन्ते। १९ प्रकरणानि संस्कृतोत्सवे सन्ति। जनुवरि षष्ठे दिने अन्ताराष्ट्रियसम्गोष्ठी अपि संस्कृतोत्सवस्य अंशतया सम्पत्स्यते। 

  अद्य प्रभाते मुख्यमन्त्री पिणरायि विजयः कलोत्सवस्य उद्घाटनं सेन्ट्रल् क्रीडाङ्कणे निर्वक्ष्यति।

 केरले बिहारे च नूतनराज्यपालौ पदं स्वीकृतवन्तौ। 

आर् वि आर्लेकरः[मध्ये] मुख्यन्यायाधिपस्य  पुरतः शपथं करोति। समीपे पत्नी अनघा आर्लेकरः। 

कोच्ची> केरलस्य २३तम राज्यपालरूपेण  राजेन्द्र विश्वनाथ आर्लेकरः गुरुवासरे शपथवाचनं कृत्वा पदं स्वीकृतवान्। केरलस्य उच्चन्यायालयस्य मुख्यन्यायाधिपः नितिन् मधुकर जाम्दारः शपथवाचनमकारयत्। मुख्यमन्त्री पिणरायि विजयः, विपक्षनेता वि डि सतीशः, मन्त्रिणः इत्यादयः कार्यक्रमे भागं गृहीतवन्तः।

  बिहारस्य नूतनः राज्यपालः आरिफ् मुहम्मद खानः तत्रत्यस्य मुख्यन्यायाधिपस्य के विनोदचन्द्रस्य पुरतः शपथवाचनमकरोत्। केरलस्य राज्यपालस्थानात् भवति तस्य बिहारस्य पदप्राप्तिः।

 उत्तरभारते अतिशैत्यं - जनाः क्लेशमनुभवन्ति। 

नगरेषु भवनरहितानां कृते अभयशिबिराणि आरब्धानि। 

नवदिल्ली> उत्तरभारते दिल्ली, हरियानम्, उत्तरप्रदेशः, मध्यप्रदेशः इत्यादिषु राज्येषु शैत्यं कठिनतरं वर्तते। प्रभाते तापमानं ६ डिग्री सेल्ष्यस् पर्यन्तमाकुञ्चितम्। अत एव  जनाः बहुक्लेशमनुभवन्ति। 

  दिल्ल्यां रेल् यानसेवायां बहुविलम्बः जातः। हिमपातेन वीथीदृश्येषु क्लेशः अनुभूयते। वीथीयात्रा क्लिष्टा अभवत्। 

  नगरेषु बहवः भवनरहिताः जनाः अतिशैत्येन दुरितपूर्णजीवनं यापयन्ति। तादृशानां कृते समाजसेवासंघटनानां नेतृत्वे अभयशिबिराणि आरब्धानि।  कुटीराणि निर्माय शीतप्रतिरोधकवस्त्राणि इत्यादिकं दत्वा एव आश्वासप्रवर्तनानि आयोजितानि।

 महाराष्ट्रे गणतन्त्रदिवसे विद्यालयविरामः निरुद्धः। 

आदिनस्पर्धाः। 

मुम्बई> महाराष्ट्रे विद्यालयेषु अस्मात्  वर्षादारभ्य राष्ट्रगणतन्त्रदिवसे [जनवरी २६] विरामः न भविष्यति। तद्दिनमाहत्य छात्राणां कृते राष्ट्रियप्राधान्ययुक्ताः स्पर्धाः आयोजनीयाः  इत्यादिश्य  शिक्षाविभागेन विज्ञप्तिः बहिर्नीता। 

  छात्राणां राष्ट्रियावबोधवर्धनाय चरित्र-पैतृक-संस्कृतिविषयेषु स्पर्धाः आयोजनीयाः। परन्तु सर्वकारस्य निर्णये विमर्शाः जाताः।

 वाहनसम्मर्दक्लेशे बङ्गुलुरु नगरं एष्यायां प्रथमस्थाने। 

बङ्गुलुरु> एष्यायां यानानां गमनागमनक्लेशमनुभूयमानेषु नगरेषु प्रथमस्थाने बङ्गुलुरु वर्तते इति निजीयसंस्थया कृते अनुशीलने स्पष्टम्। दश कि मी दूरतरणाय २८ मिनिट् १० सेकन्ड् मितसमयः आवश्यकः इति नेतर्लान्ट आस्थानीभूतया 'टोम् टोम्' इति लोकेषन् टेकनोलजी संस्थया प्रकाशिते ट्राफिक् इन्डक्से आवेदनपत्रे स्पष्टीकृतम्। 

  इदमावेदनमनुसृत्य बङ्गुलुरु नगरवासिनः प्रतिवर्षं १३२ होराः अधिकतया वाहनसम्मर्दक्लेशमनुभवन्ति। पूणे नगरं द्वितीयस्थाने वर्तते। १० कि मी दूरतरणाय २७ मिनिट् ५० सेकन्ड् समयः आवश्यकः। तृतीयस्थाने मनिलानगरं [फिलिप्पीन्स्], अनन्तरं तायिचुङ् नगरं [तय्वान्] च वर्तेते।

 खेल् रत्नपुरस्काराः प्रख्यापिताः। 

मनु भाकरः, डि गुकेशः, हर्मन् प्रीतसिंहः, प्रवीणकुमारश्च खेलरत्नानि। 

३२ कायिकतारेभ्यः अर्जुनपुरस्कारः, त्रिभ्यः द्रोणाचार्यपुरस्कारश्च। 

डि गुकेशः 

नवदिल्ली> चत्वारः कायिककुशलाः राष्ट्रस्य परमोन्नतकायिकपुरस्काराय खेलरत्नाय अर्हाः अभवन्। अतीते ओलिम्क्से युगलपतकं प्राप्तवती गोलिकाप्रक्षेपिका मनु भाकरः, विश्वचतुरङ्गविजेता डि गुकेशः, यष्टिक्रीडानायकः हर्मन् प्रीतसिंहः, ऊनाङ्गानाम्  ओलिम्पिक्स् मध्ये क्रीडकः  प्रवीण कुमारः इत्येते गतवर्षस्य खेलरत्नपुरस्काराय अर्हाः अभवन्। 

  जनुवरि १७ तमे दिनाङ्के राष्ट्रपतिभवने सम्पत्स्यमाने समारोहे पुरस्कारसमर्पणं भविष्यतीति केन्द्र युवजन-कायिकमन्त्रालयेन निगदितम्।

रष्य देशे अभयं प्राप्तवन्तं सिरियस्य पूर्वतनं राष्ट्रपतिं विषप्रयोगेण हन्तुं श्रमः अभवत्।

  मोस्को> सिरियातः पलायनं कृतं सिरियस्य राष्ट्रपतिं बासर् अल् असत् इति नामकं विषप्रयोगेण हन्तुम् उद्युक्तः इति प्रतिवेदनमागच्छति। जनरल् एक्स् वि आर् इति एक्स्लेखे उच्यते।

 सन्तोष् ट्रोफी किरीटं वंगदेशाय। 

हैदराबादः> सन्तोष् ट्रोफी पादकन्दुकक्रीडायां पश्चिमवंगदलः विजेता। अन्तिमस्पर्धायां  १ - ० इति क्रमेण केरलदलं पराजयत। स्पर्धायाः अन्त्यनिमिषे वंगस्य रोबिन् हन्सडेनैव लक्ष्यकन्दुकं प्राप्तम्।