आतङ्कवादिभिः सह प्रतिद्वन्द्वः - काश्मीरे वरिष्ठस्थानिकौ अभिव्याप्य पञ्च सैनिकाः वीरमृत्युं प्राप्ताः।
श्रीनगरं > जम्मुकाश्मीरस्य कुप्वारजनपदे हन्वारनगरे गतदिने आतङ्कवादिभिः सह सम्पन्ने प्रतिद्वन्द्वे एकः 'केणल्' स्थानिकः , एकः 'मेजर्' स्थानिकः , द्वौ सैनिकौ, एकः आरक्षिकाधिकारी च वीरमृत्युं प्रप्ताः। ८ होराः यावत् दीर्घिते रणे द्वौ भीकराः अपि व्यापादिताः।
'२१ राष्ट्रिय रैफिल्' नामके एकाङ्के केणल् पदीयः अशुतोष् शर्मा, मेजर् पदीयः अनुज् नामकः, आरक्षकाधिकारी [SI] षक्कील् खासी च हताः। हतौ इतरौ द्वौ सैनिकौ अलब्धनामकौ वर्तेते।
हद्वारा नगरस्थे जनावासकेन्द्रे भीकराः निलीनाः वर्तन्ते इति सूचनानुसारं पूर्वोक्त एकाङ्कस्थाः सैनिकाः गणवेषच्छन्नाः सन्तः एव कृत्यं निरूढवन्तः। भीकरैः जनाः बन्धिताः आसन्निति सूच्यते।
