धाक्का आक्रमणम् - ऐ एस् योगदानं नास्तीति बङ्‌गलादेशसर्वकार:।

  धाक्का > भारतीयविद्यार्थिनीसहितानां विंशति जनानां वधाय कारणीभूते आतङ्गवादाक्रमणे इस्लामिक् स्टेट् (ऐ एस्) योगदानं नास्तीति विशदीकृत्य बङ्‌गलादेशसर्वकार:।बङ्‌गलादेशस्य आभ्यन्तरमन्त्रिणा आसाद् उस्मान् खान् महोदयेनैव एतदुक्तम्। बङ्‌गलादेशस्यैव आभ्यन्तरातङ्गवादिनः जमायत्तुल् मुजाहिदीन् बङ्‌गलादेश् इति संस्थायाः प्रवर्तकाः एव आक्रमणकारिणः इति सर्वकारस्य विशदीकरणम्। एवमेव पाकिस्तानस्य ऐ एस् ऐ इति गूढसंस्थायाः अपि दायित्वमस्तीति सूचनाः सन्ति।

 पाश्चात्यसिनेमासंविधायक: मैक्किल् चिमिनो दिवङ्गतः।

 लोस् आञ्चलस् > अमेरिकायाः विख्यातः चलनचित्रसंविधायकः ओस्कार् पुरस्कारजेता च मैक्किल् चिमिनो दिवङ्गतः। शनिवासरे स्वगृहे एव तस्य मृतदेहः दृष्टः वर्तते। मरणकारणं व्यक्तं न भवति। तस्य ७७ वयः आसीत्। १९७८ तमे वर्षे 'द डीर् हण्टर्' इति सिनेमायाः कृते ओस्कार् पुरस्कारः प्राप्तेन तेन अष्ट सिनेमा: सज्जीकृताः सन्ति। इट्टलीवंशीयः सः १९३९तमे वर्षे न्यूयोर्क् मध्ये लब्धजन्मा वर्तते । चित्रलेखने निपुणः चासीत् चिमिनो महोदयः।

 खुर्-आन् ग्रन्थं प्रति अवहेलनम् - ए ए पि नियमसभासामाजिकं प्रति अन्यायनिवेदनम्।

  नवदहली > पञ्चाबे मुस्लिम् भूरिपक्षप्रदेशे मलेर् कोट्ला मध्ये वर्गीयसंङ्घर्षाय प्रेरितः इति आक्षेपमुन्नीय दक्षिणदहली नियमसभासामाजिकं नरेष्‌ यादवं प्रति पञ्चाब् आरक्षकवृन्देन अन्यायनिवेदनम् स्वीकृतम्।अग्रिमवर्षे पञ्चाबराज्ये जायमाने नियमसभानिर्वाचने विजयाय राज्ये वर्गीयसंङ्घर्षम् उत्पादयितुं धर्मग्रन्थस्य खुरानस्य पुटानि विच्छिद्य मार्गेषु निक्षिप्तुं विजयकुमारनामकं युवकं प्रेरितवान् इत्येव अन्यायः। प्रदेशात् खुरानस्य पुटानि अपि लब्धानि। एतत्सम्बन्धे अन्याये बन्धितः विजयकुमारः नरेष् यादवस्य प्रेरणया एव दोषः आचरितः इति अवदत्I तदनुसृत्यैव आम् आदमी दलस्य सभासामाजिकं प्रति अन्यायनिवेदनं स्वीकृतं वर्तते।

विम्बिल्डण् - भारताय सानिया मिर्सा रोहन् बोप्पण्णः च पुरतो गच्छतः।

 लण्टन् > पादद्वयं पूर्तीकृते विम्बिल्डण् मध्ये भारतस्य सानिया मिर्सायाः रोहन् बोप्पण्णस्य च सङ्घौ प्री क्वार्टर् पादं प्रविष्टौ। किन्तु प्रतीक्षया द्वितीयपादे मत्सराय आगतः भारतस्य लियाण्टर् पेस् पोलण्टस्य मार्सिन् मट्‌कोव्स्कि दलं बहिर्गतम्।

विदेशोद्योगार्थिनः कृते नैपुण्यविकसनपरिशीलनम्।

  नवदहली > विदेशेषु उद्योगमन्विष्य गच्छतां भारतीयानां कृते नैपुण्यविकसनपरिशीलनं दातुं विदेशकार्यमन्त्रालयस्य पर्यालोचना। एतदर्थं राष्ट्रे ५० केन्द्राणि आरब्धुं मन्त्रालयेन आलोच्यते। विदेशराष्ट्रेषु यत्र कुत्रापि वा भवतु तत्रत्या: परीक्षाः परिशीलनानि च पूर्तीकरणीयानि। तदर्थं नैपुणी विकसनमेव मुख्योद्देश्यम्। अन्तःराष्ट्रियवैदग्ध्ययुक्तं  परिशीलनमेव एतेषु केन्द्रेषु उद्दिश्यते।

 डो. जि गंगाधरन् नायर् संस्कृतविश्वविद्यालयस्य सिन्डिकेट् अङ्गः।

कालटी> प्रमुखः संस्कृतपण्डितः आचार्यश्रेष्ठः डो. जि गङ्गाधरन् नायर् वर्यः कालटी श्रीशङ्कराचार्य संस्कृतविश्वविद्यालये सिन्डिकेट् सदस्यरूपेण केरलराज्यपालेन नियुक्तः। इदानीं विश्वविद्यालये व्याकरणविभागस्य डीन् अस्ति।
   संस्कृतभारत्याः केरलघटकस्य ( विश्वसंस्कृतप्रतिष्ठानम्) रक्षाधिकारी अयं वेलियनाट् चिन्मय अन्तर्देशीय गवेषणसंस्थायाः अध्यक्षः तथा कोच्ची सुकृतीन्द्र ओरियन्टल् रिसर्च् इन्स्टिट्यूट् संस्थायां ओणररि प्रोफसर् च वर्तते।

एकीकृतपौरधर्मसंहिता - सम्मिश्रप्रतिकरणानि।

  कोषिकोट् > राष्ट्रे एकीकृतपौरधर्मसंहितायाः सन्निवेशनं प्रति सामूहिकमण्डलेभ्यः सम्मिश्रप्रतिकरणानि। एकीकृतपौरधर्मसंहितायाः सन्निवेशनम् अवश्यं करणीयमिति केचन सामुदायिकनेतारः अभिप्रेतवन्तः। किन्तु एतस्याः सन्निवेशनं राष्ट्रस्य धर्मनिरपेक्षतां हनिष्यतीति भारतीयमुस्लिंदलनेतारः अभिप्रयन्ति।भा ज पा दलेन नेतृत्वं कुर्वतः केन्द्रसर्वकारस्य नूतनपरिष्कारः दूरव्यापकप्रत्याघातः स्रक्ष्यतीति तेषामभिप्रायः। विवाहः, जीवनांशः,पैतृकसम्पत्,मरणानन्तरकार्यक्रमाः इत्यादिषु व्यक्तिनियमः दैवीकः एव, तत्र चर्चायाः आवश्यकता एव नास्ति- भारतीयमुस्लिंदलस्य देशीयकार्यदर्शिना इ टि मुहम्मदबषी रेण उक्तम्।किन्तु एकीकृतपौरधर्मसंहितायाः सन्निवेशनम् अवश्यं करणीयमिति सीरो मलबार् सभया उक्तम्।केन्द्रसर्वकारस्य निर्णयोऽयं स्वागतार्हः,तथापि आचारानुष्ठानानां वैविध्यानि संरक्षणीयानि इति मेजर् आर्च बिषप् कर्दिनाल् मार् जोर्ज् आलञ्चेरि अवदत्।

शिरस्त्राणविहीनेभ्यः इन्धनं न दीयते इति निर्णयः अप्रायोगिकः-इन्धनदातारः।

  तिरुवनन्तपुरम् > केरलराज्ये आगस्त् मासादारभ्य शिरस्त्राणविहीनेभ्यः द्विचक्रिकायात्रिकेभ्यः इन्धनं न दीयते इति निर्णयः अप्रायोगिकः इति इन्धनदातारः अभिप्रेतवन्तः।विषयेऽस्मिन् अधिकृतैः इन्धनव्यापारसंघैः सह चर्चा कापि न कृता। नियमस्यास्य प्रायोगिकांशाः इन्धनव्यापारसंघान् प्रतिकूलतया एव बाधन्ते। अतः निर्णयममुं अङ्‌गीकर्तुं नैव शक्यते इति तै: उक्तम्। किन्तु अधुना केषुचित् जनपदेषु परीक्षणाधारेण नियमोऽयम् आरब्धः वर्तते।

अरुणाचलप्रदेशे शकलराश्यपघातः- दश जनाः हताः। इट्‌टानगरम् > अरुणाचलप्रदेशे वेस्ट् कमेंग्मण्डले गतदिने संजाते शकलराश्यपघाते दश जनाः हताः। अतिवृष्ट्या शुक्रवासरे रात्रावेव अपघातः संजातः। अपघातेन बहूनि गृहाणि ,अनेके विद्यालयाश्च भग्नाः। अपघातस्थलेषु एन् डि आर् एफ्‌ संघाः मण्डलाधिकारिभिः सह रक्षाप्रवर्तनानि कुर्वन्तः सन्ति।

विम्बिल्डण् मध्ये पुनरपि अप्रतीक्षितविजयः- जोकोविच् बहिर्गतः।

  लण्डण् > अनुस्यूतं किरीटधारणं लक्ष्यीकृत्य आगतं विश्वप्रथमस्थानवाहकं नोवाक् जोकोविचं तृतीयपादे पराजित्वा अमेरिकायाः सांक्वरेः प्रयाणः। अनेन कलण्डर् ग्रान्ट्स्लाम् इति प्राप्तिः जोकोविचस्य अप्राप्या जाता। ७-६,६-१,३-६,७-६ इत्यनुपाते एव सांक्वरेः विजयः।

 धाक्का आतङ्गवादाक्रमणम् - मृतेषु भारतीयविद्यार्थिनी अपि।

     धाक्का > बड्ग्लादेशस्य राजधान्यां धाक्कायाम् एकस्मिन् भोजनालये संवृत्ते आक्रमणे विंशदधिकाः जनाः हताः। तेषु भारतीया विद्यार्थिन्यपि अन्तर्भूता वर्तते। आतङ्गवादिभिः बन्धितेषु तारिषी जेयिन् (१९) नामिका भारतीयविद्यार्थिनी एव हता। विदेशकार्यसचिवया सुषमा  स्वाराजमहोदयया एतत् दृढीकृतम्। मृतेषु सर्वेऽपि जपान्‌-इट्टलीराज्येभ्यः आगताः जनाः आसन् इति सूचनाः।ऐ एस् आतङ्गवादिनः एव आक्रमणं कृतवन्तः। तथापि विशुद्धखुरान् ग्रन्थस्य पारायणं कृतवन्तं प्रत्येकमपि जनम् आतङ्गवादिनः वधात् मोचितवन्तः इत्यपि सूचनाः सन्ति। विशुद्धरमदानसम्बन्धानाम् आचाराणाम् अनुष्ठानसमये एव सम्पन्नानां मण्डले गुल्षन् मध्ये होली आर्टिसान् नामके भोजनालये ऐ एस् आक्रमणं सञ्जातम्।

केरलेषु इतरराज्यस्थानां दिवसवेतनकर्मकराणां संख्या क्रमातीता - गत्यन्तरं विना कर्मकरमन्त्रालयः।

     तिरुवनन्तपुरम् > केरलेषु इतरराज्यस्थानां कर्मकराणां संख्या प्रतिदिनं वर्धयन्ती एव।उद्योगाय कति जनाः केरलम् आगच्छन्ति इति मन्त्रालयपक्षतः स्पष्टं विशदीकरणमपि नास्ति। समीपकाले पेरुम्पावूर् देशे जाते जिषा नामिकायाः युवत्याः वधे आसामदेशीयः युवकः आसीत् अपराधिः।ततः इतरराज्यस्थानां जनानां विषये गणनायै सर्वकारेण श्रमः कृतःवर्तते।गणनेयं मन्त्रालयाय श्रमकरः एव भवति। अनौद्योगिकगणनामनुसृत्य केरलेषु २५ लक्षाधिकाः इतरराज्यस्थकर्मकराः सन्तीति उच्यते। ते च उद्योगेन प्रतिवर्षं १७,५०० कोटि रुप्यकाणि सम्पादयन्ति इति सर्वकारः विशदयति।

 फेय्स् बुक् मध्ये वाचनं सुकरम्

 न्यूयोर्क् >  प्रचुरतया प्रचाल्यमाने सामूहिकमाध्यमे फेय्स्  बुक् मध्ये वाचनं सुकरं कर्तुं नूतनसंविधानेन सह फेय्स् बुक् अधिकारिणः।फेय्स् बुक् ब्लोग् मध्ये दत्तां सूचनामनुसृत्य नूतनसंविधानेन एकस्मिन्नेव समये ४४ भाषाः प्रति लेखनानि परिवर्तयितुं शक्यन्ते। एतदर्थं ' मल्टी लिङ्ग्वल् ' संविधानमेव उपयुज्यते। तथा च  अन्यभाषाज्ञानं विनापि सामूहिकमाध्यमेऽस्मिन् वाचनलेखनादिकं सुकरं कर्तुं शक्यते।

 पठन्ति प्रौढाः सादरं संस्कृतं मुदा।

 कोच्ची > एरणाकुलं जनपदे मुवाट्टुपुष़ायां प्रचलित विश्व संस्कृतप्रतिष्ठानस्य दशदिनात्मक संभाषण शिबिरस्य उद्‌घाटनकर्मं श्री नारायणशर्म महोदयेन अकरोत् । प्रथमकक्ष्या एरणाकुलं जनपदस्य सहकार्यदर्शी श्री राजेष् कुमार् महोदयेन अचालयत् | जूलै १३ दिनाङ्के कक्ष्यायाः समापनं भविष्यति।

 एरणाकुलं जनपदे मूवाट्टुपुष़ायां प्रचलित दशदिनात्मक-संस्कृतसम्भाषण-शिबिरम्

उत्तराखण्डे मेघस्फोटनं ; प्रलयः; २२ मरणानि।

पित्तोरगढ् - उत्तराखण्ड राज्ये मेघस्फोटनमिति पर्यावरणप्रतिभासानन्तरं दुरापन्ने महावृष्ट्यां भूछेदे च द्वाविंशति जनाः मृताः। पञ्चविंशति जनाः अप्रत्यक्षाः अभवन्।

 पित्तोरगड् चमोलि जनपदयोः गुरुवासरे अर्धरात्रौ आसीत् दुरन्तः। महत्या वृष्ट्या भूछेदे च बहूनि गृहाणि बहवः प्रदेशाश्च मृत्तिकान्तर्भूतानि।

  बहुत्र मार्गाः नाशिताः। अतः रक्षाप्रवर्तनानि न सुगमानि वर्तन्ते। केन्द्र- राज्यदुरन्तनिवारणसेनाः सैनिक - अर्धसैनिकविभागाश्च रक्षाप्रवर्तनं कुर्वन्ति।

 भारतराष्ट्रे एकीकृतपौरधर्मसंहितायाः सन्निवेशाय केन्द्रसर्वकारस्य श्रमः ।

नवदहली > भारतराष्ट्रे अचिरादेव एकीकृतपौरधर्मसंहितायाः सन्निवेशनं भविष्यति। एतदर्थं केन्द्रसर्वकारेण श्रमः आरब्धः। नियममन्त्रालयेन एतत्सम्बन्ध्य नियमसमितिं प्रति निर्देशः पृष्टः वर्तते। नियमनिर्माणाय उपदेशादिकं दीयमाना समितिरेव केन्द्रनियमसमितिः । एतदर्थं समित्या विभिन्नान् व्यक्तिनियमसङ्घान् प्रति चर्चां कर्तुं आलोच्यते। विरमितः न्यायाधिपः बल्बीर् सिंहः एव समितेः अध्यक्षः। समवायेनैव नियमपरिष्कारः आरभ्यते इति केन्द्रमन्त्रिणा सदानन्दगौडेन उक्तं वर्तते।भारतीयशिक्षानियमस्य चतुर्चत्वारिंशत् ४४-तमे भागे पौरधर्मसंहितामधिकृत्य प्रतिपादनं वर्तते इति मन्त्रिणा सूचितम्। एकीकृतधर्मसंहितायाः सन्निवेशनेन भारते व्यक्तीनां विवाह: , विवाहमोचनं, पैतृकसम्पद्, जीवनांशः इत्यादिषु बहुषु विषयेषु एकस्यैव नियमस्य आश्रयणमेव भविष्यति।

राष्ट्रे वर्गीयकलापाय ऐसिस् पद्धतिः इति सूचना ।  

  हैदराबाद् > गतदिने हैदराबाद् मध्ये आरक्षकैः बन्धितः ऐसिस् सङ्घः राष्ट्रे वर्गीयविद्वेषम्‌ उत्पाद्य आक्रमणं कर्तुं पद्धतिः पर्यालोचिता इति सूचनाः। जनवासकेन्द्रेषु विस्फोटनेन तथा आराधनाकेन्द्रेषु वर्गीयविद्वेषम् जन्यमानानि कुत्सितप्रवर्तनानि च सङघेन उद्दिष्टानि। तदर्थं भाग्यलक्ष्मीमन्दिरे गोमांसं निक्षिप्य हिन्दू-मुस्लीं विरोधमुत्पाद्य आक्रमणाय सङ्घस्य पद्धतिरासीदिति आरक्षकवृन्दं सूचयति। अत एव राष्ट्रे जाग्रतया वर्तितुं  सर्वेभ्यः निर्देशः दत्तः वर्तते।

भारतम् अफ्गानेन सहैव-राष्ट्रपतिः ।

नवदहली > आतङ्गवादिनः प्रति भारतं सर्वदा अफ्गान् राष्ट्रेण सहैव वर्तिष्यतीति राष्ट्रपतिः प्रणब् कुमार मुखर्जी। गतदिने काबूल् मध्ये सैनिकव्यूहं प्रति आतङ्गवादिनाम् आक्रमणेन बहवः सैनिकाः हताः। एतत्सम्बन्ध्य अफ्गान् राष्ट्रपतिं प्रेषिते अनुशोचनसन्देशे एव राष्ट्रपतिना एवं सूचितम्। आक्रमणम् अपलप्य बहवः विश्वनेतारः अफ्गान् राष्ट्रं समाश्वासितवन्तः ।

ओलिम्पिक्स् मध्ये क्रिकेट् अपि ?

रोम् > २०२४तमे वर्षे ओलिम्पिक्स् क्रीडाभ्यः रोम् वेदी भविष्यति चेत् क्रिकेट् कृते अपि अवसरः लप्स्यते इति सूचना। इट्टलीस्थक्रिकेट्समितेः अध्यक्षेण सिमोण् गाम्पिनो महोदयेनैव सूचना दत्ता । अन्तःराष्ट्रक्रिकेट्समितेः वार्षिकयोगः रोम् मध्ये प्रचाल्यमाने सन्दर्भे एव तेन एवमुक्तम्। एतत् साक्षात्‍कृतं चेत् १२४ वर्षेभ्य: परं क्रिकेट् विश्वकायिकमहोत्सवे भागं करिष्यति। एतद् भारतम् इव बहुभ्यः राष्ट्रेभ्यः ओलिम्पिक्स् सुवर्णपतकाय अवसरः एव भवति।

अर्बुदरोगिणां संख्या - दहली प्रथमस्थाने, केरलं    द्वितीये च।

    बङ्गलुरु > आघातदायकं याथार्थ्यं निवेद्य आरोग्यमन्त्रालयः। भारतीया आरोग्यानुसन्धानसमित्या एव पठनं कृतं वर्तते। पठनेषु अर्बुदरोगिणां संख्या दहल्याम् अत्यधिका वर्तते। २०१२ तः २०१६ पर्यन्तस्य कालस्य आरोग्यसम्बन्धानि अनुसन्धानि एव याथार्थ्यमिदं निवेदयति।  केरलेषु तिरुवनन्तपुरमेव अग्रे वर्तते। पट्टिकायां कोल्लं जिलायाः अपि स्थानमस्ति। जनानाम् उद्योगरीतिः, भक्षणक्रमः, जीवनशैली इत्यादीन्येव अर्बुदरोगाय मुख्यानि कारणानि भवन्तीति तिरुवनन्तपुरं रीजणल् कान्सर् सेन्टर् स्थापकनेता  डा.कृष्णन् नायर् महोदयः अवदत्।

विम्बिल्डण् मध्ये अप्रतीक्षितविजयः- मुगुरसे बहिर्गता।

 लण्डण् > विश्वटेन्नीस् मण्डले वनिताविभागे द्वितीयस्थानवाहिका फ्रञ्च् ओप्पण् जेता च गर्बिन् मुगुरसे विम्बिल्डण् तः बहिर्गता। स्लोवाक्यायाः जाना सेपलोवया एव मुगुरसायाः उपरि विजयः प्राप्तः। केवलं ५९ मिनिट्‌ अभ्यन्तरे समाप्तायां क्रीडायां सेपलोवा ६-३,६-२ इत्यनुपाते विजयं प्राप्तवती। वीनस् विल्यंस्, इगेनी बौचार्ड्, सिमोण् हालेप् इत्याद्याः वनिताः द्वितीयपादं प्रविष्टाः।

व्योमसेनायां 'तेजस्' अपि।

 बंगलुरु > ३३ वर्षाणां कठिनप्रयत्नेन भारतेन तद्देशीयतया निर्मितं फ्लयिङ् डग्गेर्स् ४५ इति नामकं विमानद्वयं व्योमसेनायै समर्पितम्।सर्वधर्मप्रार्थनायाः अनन्तरमेव समर्पणम् अभवत्। हिन्दु ,मुस्लिं,सिख्, क्रिस्तुधर्मपण्डितानां प्रार्थनानन्तरं व्योमसेनाध्यक्षस्य जस्बीर् वालियमहोदयस्य सान्निध्ये एव तेजसः समर्पणमभवत्।सर्वकारस्य हिन्दुस्थान् एयरोनोटिक्स् लिमिटड् एव विमाननिर्माता।

 भारतस्य आयुधशेखरेषु वरुणास्त्रमपि।

  नवदहली > भारतेन तद्देशीयतया निर्मितः भारयुक्तः च टोर्पिडो वरुणास्त्रं नाविकसेनायाः आयुधशेखरेषु स्थानं प्रापयत्। बुधवासरे दहल्यां प्रतिरोधसचिवस्य मनोहर् परीकरस्य आध्यक्षे नाविकसेनाया: अध्यक्षस्य सुनिल् लाम्बस्य अन्येषां प्रमुखाणां च सान्निध्ये संवृत्ते योगे एव वरुणास्त्रस्य समर्पणमभवत्।

 स्ववर्गानुरागिण: तृतीयलिङ्गविभागे नान्तर्भवन्ति- उच्चतरन्यायालयः।

 नवदहली> स्ववर्गानुरागिण: तथा उभयलैङ्गिकानुरागिणः च तृतीयलिङ्गविभागे नान्तर्भवन्तीति उच्चतरन्यायालयः। भिन्नलैङ्गिकशेषियुक्ताः एव तृतीयलिङ्गविभागे अन्तर्भवन्तीति परमाध्यक्षस्य टि एस् ठाकुरस्य न्यायस्थानेन विशदीकृतम्। २०१४ तमस्य उच्चतरन्यायालयस्य विधेः व्यक्ततां सम्पादयितुं केन्द्रसर्वकारेण समर्पितं निवेदनमनुसृत्यैव नूतनविशदीकरणम्।स्ववर्गरतिम् अपराधत्वेन विशदीकुर्वन्तं भारतीयशिक्षानियमस्थं ३७७ तमं भागं दहली उच्चतरन्यायालयेन परिवर्तयति स्म।तस्य पुनःपरिशोधनानिवेदनमपि परिगणनायां वर्तते।

ब्रिट्टीष् प्रधानमन्त्रिपदाय पञ्च प्रमुखाः पट्टिकायाम्।

 लण्टन् > स्थानं त्‍याज्यमानस्य डेविड्कामरूणस्य अनुयायी भवितुं ५ प्रमुखाः पट्टिकायाम् अन्तर्भूताः। किन्तु सर्वैः प्रतीक्षाम् अर्पितेन लण्टन् नगराध्यक्षेण बोरिस् जोण्सनेन मत्सररङ्गात् प्रतिनिवृत्तिः प्रख्यापिता च। एतस्मिन्नवसरे कण्सर्वेटीव् दलस्य प्रमुखाः नेतारः मैकिल् गोव्, आभ्यन्तरसचिवा तेरेसा मेय् , स्टीफन् क्राब् , आन्ट्रिया लीट्‌सं, प्रतिरोधकार्यदर्शी लियां फोक्स् च मत्सररङ्गे सजीवाः सन्तिI ब्रिट्टणस्य यूरोप्यन् सङ्‌घात् प्रतिनिवृत्तये अत्यधिकम् उद्घोषितः आसीत् बोरिस् जोण्सन्।

 विम्बिल्डन् - जोकोविच्, फेडरर् च तृतीयपादं प्रविष्टौ।

 लण्टण् > विम्बिल्डन् टेन्नीस् स्पर्धायां जोकोविच् फेडरर् च तृतीयपादं प्रविष्टौI ब्रिट्टणस्य मार्कस् विल्लिसमेव फेडरर् पराजितवान् । अनुपातः ६-०,६-३,६-४ । अधुनाधुनविजेता जोकोविच् अड्रियान् मन्नारिनं ६-४,६-३,७-६ इति अनुपाते पराजितवान्। ग्रान्ड्स्लाम् अनुक्रमेषु जोकोविचस्य ३०तमः अनुस्यूतविजयः एव अयम् ।

 निधिभण्डारः शून्यः; राज्यम् आर्थिकप्रतिसन्धौ - केरळवित्तमन्त्री।

अनन्तपुरी - केरळम् अतिरूक्षे आर्थिकप्रतिसन्धौ पतदस्तीति वित्तमन्त्रिणा डो. तोमस् ऐसक्केन विधानसभायाम् अवतारितं धवलपत्रम्। सर्वकारेण झटित्येव परिहर्तव्या ऋणबाध्यता दशसहस्रं कोटिरूप्यकाणामस्ति। एवं स्थिते गतार्थिकवर्षान्त्ये १६४१ कोटिरूप्यकाणाम् अधिकप्रस्तावः कृत्रिमत्वेन आविष्कृत इति  वित्तमन्त्रिणा प्रस्तूयते।

धवलपत्रं न, कृष्णपत्रमिति माणिः; अकर्मण्यतायाः प्रतिभूतिग्रहणमिति विपक्षनेता।

 अनन्तपुरी -केरळधनमन्त्रिणा डो. तोमस् ऐसकेन विधानसभायाम् अवतारितं धवलपत्रं वास्तवविरुद्धमिति विपक्षनेतारः। यू डि एफ् सर्वकारेण आविष्कृतानां विकसनोन्मुखप्रवर्तनानां भूतकारुण्यपद्धतीनां च अवमत्यर्थं कुसृष्टं कृष्णपत्रमेतदिति भूतपूर्ववित्तमन्त्री के एम् माणिः आक्षिपति स्म।
  आगामीसंवत्सरेषु एल् डि एफ् सर्वकारः किमपि न करिष्यति इत्यस्य अकर्मण्यताप्रख्यापनस्य नान्दिः एतदिति विपक्षनेता रमेश् चेन्नित्तला उक्तवान्।
  ऋणं कृत्वा आविष्कृतानां विकसनपद्धतीनां गुणफलं तदनुसारं आयवृद्धिश्च भविष्ये एव अनुभोक्तुं शक्यतेति तेनोक्तम्।

 राष्ट्रे वर्गीयकलापाय ऐसिस् पद्धतिः इति सूचना। 

   हैदराबाद् > गतदिने हैदराबाद् मध्ये आरक्षकैः बन्धितः ऐसिस् सङ्घः राष्ट्रे वर्गीयविद्देषम्‌ उत्पाद्य आक्रमणं कर्तुं पद्धतिः पर्यालोचिता इति सूचनाः। जनवासकेन्द्रेषु विस्फोटनेन तथा आराधनाकेन्द्रेषु वर्गीयविद्देषम् जन्यमानानि कुत्सितप्रवर्तनानि च सङघेन उद्दिष्टानि। तदर्थं भाग्यलक्ष्मीमन्दिरे गोमांसं निक्षिप्य हिन्दू-मुस्लीं विरोधमुत्पाद्य आक्रमणाय सङ्घस्य पद्धतिरासीदिति आरक्षकवृन्दं सूचयति। अत एव राष्ट्रे जाग्रतया वर्तितुं  सर्वेभ्यः निर्देशः दत्तः वर्तते।

 मध्यप्रदेशस्य आभ्यन्तरमन्त्रिणा स्वस्थानं त्यक्तम्।

भोप्पालः > मध्यप्रदेशस्य आभ्यन्तरमन्त्रिणा बाबुलाल् गौर् महाभागेन स्वस्थानं परित्यक्तम्। स्थानत्यागनिर्णयः दलस्य उपदेशमनुसृत्यैवेति तेन उक्तम्। समीपकालेषु मध्यप्रदेशसर्वकारस्योपरि तथा भा ज पा दलस्योपरि च तेन कृताः विवादपरामर्शाः एव स्थानत्‍यागस्य निदानाः। अपि च समीपे एव काले स: एकां स्त्रियं प्रति मर्यादारहितेन व्यवहृतवान् इति आक्षेपः जातः आसीत्। एवमेव व्यापं दुर्व्यवहारं प्रति मुख्यसचिवं शिवराजसिंह चौहानमपि सः परोक्षतया विमर्शयन् आसीत्। एतत् सर्वमपि स्थानत्यागस्य कारणं भवतीति वार्ता: सूचयन्ति।

मोदी पाकिस्थान् राष्ट्राय विपज्जनकः नेता - हाफिस् सयीद्।

  नवदहली > भारतप्रधानमन्त्री पाकिस्थान् राष्ट्राय विपज्जनक: पुरुषः एवेति आतङ्‌गवाददलस्य लष्कर् ई तोयिबायाः नेता हाफिस् सयीद् । भारतस्थायै मोदीविरुद्धशक्त्यायै सम्पूर्णसहयोगः अपि तेन प्रख्यापितः अस्ति। पाम्पोर् मध्ये सि आर् पि एफ् वाहनव्यूहं प्रति संवृत्तस्य आक्रमणस्य दायित्वम् अनया संघटनया अङ्गीकृतमासीत्I आक्रमणस्यास्य मुख्यः सूत्रधारः अस्य भागिनेय: खालिद् वालिद् भवति इति सूचना आसीत्I शनिवासरे एव पाम्पोर् मध्ये आक्रमणं सञ्जातम्। आक्रमणेन अष्टौ सैनिकाः हताः आसन्।

केन्द्रमन्त्रिसभाया: पुनःसंघाटनम् अचिरादेव।

 नवदहली > अग्रिमवर्षे उत्तरप्रदेश: - पञ्चाब् राज्ययोः नियमनिर्माणसभानिर्वाचनं लक्ष्यीकृत्य केन्द्रमन्त्रिसभायाः पुनःसंघाटनम् अचिरादेव भवतीति सूचना। एतत्सम्बन्धचर्चा: भा ज पा दलाध्यक्षः अमित् षा महोदय: प्रधानमन्त्रिणा सह कृताः इति विस्रंभयुक्तानि वार्ताकेन्द्राणि सूचयन्ति। पुनःसंघाटनेन मन्त्रिसभायां केषाञ्चन नवमुखानां प्रवेशोऽपि भविष्यतीत्यपि सूचनाः दृढीकुर्वन्ति।

मुंबई मध्ये मेट्रो रेलयानस्य वेगः वर्धयितुम् अनुमतिः।

 मुंबई > जुलै २ तः मुंबई मेट्रो रेलयानं प्रतिहोरम् अशीति (८०) कि.मी. वेगेन सञ्चालयिष्यति। एतदर्थं मेट्रो रेयिल् सुरक्षाधिकारिणा अनुमतिः दत्ता। मुंबई मेट्रो पद्धत्याः आरम्भे वेगः घण्टायां ५० कि.मी आसीत्। पश्चात् २०१६ तमे वर्षे ६५ कि.मी इति वर्धितः आसीत् ।नूतनः परिष्कारः जनेभ्यः सौकर्याय कल्पते।

मातृकानियमाय अङ्‌गीकारः - राष्ट्रे वाणिज्यकेन्द्राणि २४ घण्टेष्वपि।

   नवदहली > उन्नतवाणिज्यकेन्द्राणि प्रतिदिनं पूर्ण समयमपि प्रवर्तनसज्जं कर्तुं योजनाबद्धाय मातृकानियमाय केन्द्रसर्वकारस्य अङ्गीकारः लब्धः। दशाधिकाः उद्योगिनः अन्तर्भूतानि तथा उत्पादनप्रक्रियारहितानि च वाणिज्यकेन्द्राण्येव नियमस्यास्य परिधौ अन्तर्भवन्ति। किन्तु ऐ टि मण्डले एवं जैवसाङ्केतिकविद्यामण्डले च प्रवर्तमानेषु स्थापनेषु प्रवर्तनसमयः प्रतिदिनं ९ घण्टाः एव।नूतननियममनुसृत्य वाणिज्यकेन्द्राणां प्रवर्तनसमयः तैः स्वेच्छया निर्णेतुं शक्यः। किन्तु वाणिज्यकेन्द्रेषु अथवा स्थापनेषु पानजलं, भोजनालयः , शौचालयः , स्त्रीणां सुरक्षा इत्यादिषु कार्येषु व्यक्तं सज्जीकरणम् आवश्यकम् इत्यपि नियमे सूचयति। एतत् सर्वं अधिकृतैः परिशोध्य एव अनुमतिः दीयते।

 केरलेषु इन्धनमावश्यकं चेत् शिरस्त्राणं धार्यम्।

 तिरुवनन्तपुरम् > केरलेषु आगस्त् १ तः द्विचक्रिकायात्रिकेभ्यः इन्धनम् आवश्यकं चेत् तैः शिरस्त्राणम्  अवश्यं धार्यम्  इति गतागताधिकारिणः विज्ञापनम्। परीक्षणाधारेण तिरुवनन्तपुरम्, कोच्ची, कोषिक्कोट् नगरसभापरिधावेव नियमस्य प्राबल्यम्। नियमोऽयं द्विचक्रिकायात्रिकैः अङ्‌गीकृतः चेदपि कैश्चित् मण्डलेभ्य: विरोधोऽपि आगत:। नियमोऽयं अप्रायोगिक: चेत् परिष्करिष्यतीति गतागतसचिवेन ए के शशीन्द्रन् महोदयेन सूचितम्।

चित्रकलाचार्यः के जि सुब्रह्मण्यः दिवंगतः।

वडोदरा > आधुनिक भारतीय चित्रकलायाः आचार्येषु अन्यतमः के जि सुब्रह्मण्यः दिवंगतः।  के जि एस् इति विख्यातः सः भारतपारम्पर्यम् अनुतिष्ठन् चित्रकलानवीकरणाय प्रयत्नमावहति स्म।

 १९२४तमे संवत्सरे केरले कण्णूर् जनपदे लब्धजन्मायं वंगदेशे टागोर् वर्यस्य शान्तिनिकेतनादेव चित्रकलाभ्यासं कृतवान्। १९५१ तमे गुजरात् प्राप्य  बरोडायां एम् एस् विश्वविद्यालये अध्यापक अभवत्। १९८० तमे अध्यापकवृत्तित्वेन शान्तिनिकेतनं प्रत्यागतवान्। अन्त्यकाले बरोडायामेवासीत् तस्य वासः।

    पद्मश्री पद्मभूषणं पद्मविभूषणं  च दत्वा राष्ट्रेण आदुतः। अपि च कालिदास पुरस्कारः रविवर्मा पुरस्कारः ललितकला अक्कादम्याः विविधाः पुरस्काराः वंगमहाराष्ट्रसर्वकारयोः पुरस्काराश्च तं प्राप्तवन्तः। विदेशेषु विश्वविद्यालयेषु श्रेष्ठाचार्यपदवीं च ऊढवान्।

अन्येभ्यः प्रवेशानुमतिपत्रं न दातव्यम् - यु.एस् नियमनिर्माणसंसदङ्गः। 

वाषिङ्टण् > अन्यराष्ट्रेभ्यः इदानीं दीयमानस्य प्रवेशानुमतिपत्रस्य विराम: आवश्यकः इति अमेरिकायाः नियमनिर्माण संसदङ्गेन अभिप्रेतम्। रिप्पब्लिकन् प्रतिनिधिः चक् ग्रेस्ले एव एवमवदत् । अधुना त्रयोविंशति (२३) राष्ट्रेभ्यः अमेरिकया प्रवेशानुमतिपत्रं दीयते । तत्र विराम: अथवा नियन्त्रणम् आवश्यकम् I प्रतिवर्षम् आगच्छतां वैदेशिकानां प्रतिगमनं नैव सम्भवति , अथवा राष्ट्राणि तेषां प्रत्याह्वाने निस्सहकरणं प्रदर्शयन्ति। अतः अनुमतिपत्रदाने नियन्त्रणम् अवश्यं भवेत्- प्रतिनिधि: अवदत् । भारतम् इव  बहुभ्यः राष्ट्रेभ्यः अभिमतोयं प्रतिकूल: एव।

मेसिना स्वनिर्णयः परिवर्तनीयः-मारडोणा।  

बूणस् ऐरिस् > कोपा अमेरिका पादकन्दुकक्रीडाया: किरीटनष्टाघातेन स्वीकृतं विरामनिर्णयं पर्यालोचनया परिवर्तयतु इति मेसिम् उपदिश्य अर्जन्टीनायाः ऐतिहासिकक्रीडक: पूर्वपरिशीलकश्च डीगो मारडोणा । २०१८ तमवर्षस्य रष्यन् विश्वचषकक्रीडापर्यन्तमपि अन्तःराष्ट्रकायिकमण्डले मेस्याः सान्निध्यम् आवश्यकम्।प्रतिभाधनस्य मेस्याः विरामनिर्णय: आराधकवृन्देभ्यः आघात एव आसीत् । अर्जन्टीनासंघस्य दुरन्तकाङ्‌क्षिणः एव तस्य विराममुद्दिश्य आरोपान् उन्नयन्ति - मारडोणेन अभिप्रेतम्।

पाकिस्ताने अध्ययनोद्देश्यं भारतनिन्दा एव - हिना रब्बानी। 

इस्लामाबाद् > पाकिस्ताने विद्यालयेषु भारतं निन्दितुमेव प्रमुखं शिक्षणं दीयते इति पाकिस्तानस्य भूतपूर्वविदेशकार्यसहसचिवया हिना रब्बानी महोदयया उक्तम्। भारतस्योपरि निन्दाप्रदर्शनाय एव विद्यालयेषु छात्रान् प्रेरयति। अफ्गान्राष्ट्रं प्रत्यपि अयमेव व्यवहारः स्वीक्रियते। अत एव भारत-अफ्गान् सौहृदं प्रति पाकिस्तान् विरोधं प्रदर्शयतिI भारतेन सह सौहृदं दृढीकर्तुमेव अधिकारिभिः श्रद्धा देया। केवलं युद्धेन वा निरन्तरप्रकोपनेन वा काश्मीरं स्वायत्तीकर्तुं नैव शक्यते। अतः भारतेन सह नयतन्त्रचर्चायै पाकिस्तानेन निर्णयः स्वीकार्यः इत्यपि तया सूचितम्‌ । २०११-१३ अनुक्रमे पाकिस्तानस्य मन्त्रिसभायां अन्तर्भूता आसीत् वक्ता।

वधसम्बन्धे तर्के शुक: साक्षी। 

षिकागो > इदम्प्रथमतया विश्वे एकस्मिन् तर्के साक्षिण: स्थाने शुक: I षिकागोयां मिषगाम् देशे एव इयम् अपूर्वा स्थितिः । मार्टिन् ड्यूरल् इति नामकः पुरुषः तस्य पत्न्या ग्लेन्ननया गोलिकाप्रहरेण कृते वधे एव साक्षिण: स्थाने शुकस्य आगमनम्। तर्केऽस्मिन्  शुकस्य वचनं सुप्रधानं प्रमाणमिव स्वीकर्तुमेव न्यायालयस्य निर्णयः।

सोपानम्-05 Archana ER Saraswathi Vidyaniketan Chengamanad. News reading 29/06/2016

राष्ट्रिय-मानबिन्दुं विरुद्ध्य केरळराज्यस्य संसदङ्गः वि.टि बलरामः

 केरळराज्यस्य संसदङ्गः (MLA) वी.टी बलरामस्य संस्कृतभाषाविरुद्ध-भाषणे  आभारतं जनाः प्रतिषेधं प्रदर्शितवन्तः।

मृतभाषा इति 'फेस् बुक्' माध्यमद्वारा संस्कृतभाषाम् अधिकृत्य अनाधारारोपं प्रकाशितवान् बलरामः ।
भारत-संविधानेन अङ्गीकृतासु अष्टादशभाषासु प्राचीनतमं भवति संस्कृतम्। इदानीमपि सर्वेषां भारतीयभाषाणां पोषकाधारा च। एतादृशीं भाषाम् अपक्वमनसा उपहासं कुर्वतः अस्य, जनप्रतिनिधेः स्थानमार्जयित्वा कृतव्यवहारः निन्द्यः एव। राष्ट्रिय-मानबिन्दवः सदा समादरणीयाः खलु। एतस्य अपक्वाभिमत-प्रकाशनं विरुद्ध्य सर्वेषां विप्रतिपत्तयः प्रकाशयन्ताम् इति केरळ संस्कृताध्यापक फेडरेषन् दलस्य सचिवः टि.के सन्तोष्कुमारः अवदत् ।

संस्कृतम् अमृतस्य भाषा डा. बलदेवानन्दसागरः।

 नवदेहली >स्वस्यसंस्कृेतेः महिमानम् संस्कृतभाषायाः गरिमा च अज्ञात्‍वा एव केरळ राज्यस्य संसदङ्गः वि.टि बलरामः स्वस्यअभिमतस्य प्रकाशनम् अकरोत् इति बलदेवानन्द सागर: अवदत्। संस्कृतं मृतभाषा न अमृतभाषा एव। संसदङ्गाः तत् ज्ञात्वा पक्वमतयः भवन्तु इत्यपि तेन उक्तम् । अज्ञातविषये पाण्डित्य प्रकाशनं शेभनं न इति सागरमहोदयः स्मारितवान् च ।

सर्वकारस्य यशसे जनप्रतिनिधयः श्रद्धालवः भवन्तु - मोदीः।

   नवदहली > जनप्रतिनिधयः सभायां तथा बहिः च सर्वकारस्य यशसे श्रद्धालवः भवन्तु इति प्रधानमन्त्रिणः मोदिनः उद्‌घोषणम् । स्वपक्षप्रतिनिधिः वा प्रतिपक्षप्रतिनिधि: वा भवतु जनानां प्रतिनिधित्वेन सभायां बहिः च भाव्यम् इति मोदिना उक्तम्। समीपकाले रिसर्व्बाङ्‌क्  अध्यक्षस्य रघुराम् राजस्य स्थानत्यागविषये उन्नीयमानाः आरोपा: सर्वकारस्य शोभां न्यूनीकरिष्यतीति भा ज पा दलप्रतिनिधेः सुब्रह्मण्यं स्वामिनः नाम अनुक्त्वा मोदिना सूचितम्। रघुराम् राजः उत्तमः राज्यस्नेही तथा भारतस्य आर्थिकमण्डलस्य अनिवार्यभाग: च भवतीति प्रधानमन्त्रिणा अभिप्रेतम्।

 कोप्पा किरीटः चिलिराष्ट्राय।

न्यूजेर्सी - कोप्पा अमेरिक्का पादकन्दुककिरीटः अर्जन्टीनां पराजित्य  पुनरपि चिलिदेशेन करस्थीकृतः। निश्चिते समये उभयोः राष्ट्रयोः कन्दुकलक्ष्यरहिते स्थिते षूट् औट् मार्गेण ४-२ कन्दुकलक्ष्ये एव चिली जितः।
  गतवर्षे अपि अर्जन्टीनामेव  पराजित्य चषकं प्राप्तवानासीत्।

रिसर्व् बाङ्क् - अध्यक्षस्थानाय चतुर्णां पट्टिकाः।

   नवदहली > समयावधिं पूर्तीकृत्य सितम्बर् मासे स्थानं त्याज्यमानस्य रघुराम् राजस्य अनुयायिनं निर्णेतुम् अन्तिमा पट्टिका सम्पन्ना इति सूचना। अष्टानां प्रमुखाणां नामभि: सह पूर्वं सज्जीकृतायाः पट्टिकायाः एव चतुर्णाम् अन्तिमा पट्टिका सज्जीकृता वर्तते। रिसर्व् बाङ्क् नियुक्ताधिकारी उर्जित् पहेल्, भूतपूर्वनियुक्ताधिकारिणौ राकेष्मोहनः , सुबीर् गोखन् च एवं एस् बि ऐ अध्यक्षा अरुन्धती भट्टाचार्या इत्यादय: प्रमुखाः अन्तिमपट्टिकायां अन्तर्भूताः सन्ति। राष्ट्रस्य आर्थिकनयरूपीकरणाय समितेः रूपीकरणमपि केन्द्रसर्वकारस्य पर्यालोचनायां वर्तते।

 नूतनसमस्या उभयपक्षचर्चायै विघ्नाः- चैना।

  बीजिङ् > सीमातर्काः तथा नूतनाः काचन समस्याः च भारत-चैनयोः उभयपक्षबन्धुत्वदृढीकरणे विघ्नाः भवन्तीति चैनायाः विदेशकार्यसहसचिवः ली हुलैः अवदत् । भारतेन सह बान्धवः सर्वदा चैनाया: मुख्यः विषयः एव इति तेन उक्तम्। तथापि नूतनसमस्याः काः इति विशदी कर्तुं स: सन्नद्धः नाभवत् ।

अर्जन्टीना'मिशिहा' निवृत्तः।

न्यूजेर्सी - आराधकैः प्रेमपुरस्सरं "मिशिहा" (रक्षकः) इति संबुध्यमानः पादकन्दुकेतिहासः अर्जन्टीना नायकश्च लयणल् मेस्सी अन्ताराष्ट्रपादकन्दुकस्पर्धातः निवृत्तः।
   कोप्पा अमेरिक्का शताब्दिमेलिकायाः अन्तिमचरणे चिलिं प्रति पराजयप्राप्तेः अनन्तरक्षण एव आराधकानां द्वितीयाघात इव क्रीडानिवृत्तिमधिकृत्य मेस्सीवर्यस्य प्रख्यापनमभूत्। चिलिं विरुध्य षूट् औट् मध्ये मेस्सेः प्रहरः बहिर्गत्वा  वृथा जातः। एतस्य निराशा अन्ते परजयस्य आघातः च मेस्सेः नाटकीयनिवृत्तप्रख्यापनस्य कारणभूतौ जातौ।
  विश्वस्य श्रेष्ठपादकन्दुकक्रीडकाय देयमानः बालण् द्योर् पुरस्कारः पञ्चवारम् अनेन स्वायत्तीकृतः। ११३ स्पर्धासु ५५ कन्दुकलक्ष्याणि प्राप्य  अर्जन्टीनायै नवचरितमपि रचितवानयम्।

पय्यन्नूरस्थसंस्कृतसमित्या  जनप्रतिनिधेः  प्रस्तावनायाः प्रतिषेधः प्रकटीकृतः । 

उपजिल्ला- शैक्षिकाधिकारिणः श्री रामनाथमहोदयस्य आध्यक्ष्ये संस्कृतप्रवर्तनानां वार्षिकासूत्रणयोगे एव समित्या प्रतिषेधः प्रदर्शितः। समित्याः मुख्यसंयोजकः श्री गोविन्दमहाशयः तथा भारवाहिनश्च सन्निहिताः आसन् । संस्कृतभाषायाः उपरि अवक्षिप्यमाणं किमपि अनाधारारोपं न सहामहे इति संस्कृतप्रेमिणः अध्यापकाः च उच्चैः उद्घोषितवन्तः ।

शबरि गिरिदेशीयतीर्थाटनकेन्द्रं - शतकोटिरूप्यकाणां पद्धतिः अङ्गीकृता। 

अनन्तपुरी - शबरिगिरिं देशीयतीर्थाटनकेन्द्ररूपेण विकासयितुं राज्यसर्वकारेण समर्पितायाः ९९.९८कोटिरूप्यकाणां पद्धत्याः केन्द्रसर्वकारस्य अङ्गीकारः। केन्द्रस्य स्वदेश् दर्शन् नामिकायां पद्धत्याम् अन्तर्भावयित्वा एरुमेलि - पम्पा - सन्निधानानि योजयित्वा  आत्मीयतीर्थाटनकेन्द्रं कर्तुमेव अनया पद्धत्या उद्दिश्यतेति केन्द्रविनोदसञ्चारविभागमन्त्रिणः डो. महेष् शर्मणः कार्यालयवृत्तैः  उक्तम्।
 गतफेब्रुवरिमासे एव अङ्कारः लब्धः आसीत्। किन्तु निर्वाचनवेला इत्यनेन कारणेन प्रख्यापनं नाभवत्।

 मेक् इन् इन्ट्या पद्धत्या वैदेशिकनिक्षेपे महान् लाभः
नवदहली > आगोलस्तरे साक्षादेव वैदेशिकनिक्षेपं सम्पादितेषु राष्ट्रेषु मेक् इन् इन्ट्या पद्धत्या  भारतस्य महान् लाभः। आगोलस्तरे वैदेशिकनिक्षेपः१.७६ ट्रिल्यण् इति उन्नतिम् प्रापयत्। तत्र ४४ बिल्यण् निक्षेपः भारतम् एव आगतः।२००८ तमे वर्षे प्राप्तं ४७ बिल्यण् एव मण्डलेऽस्मिन् भारतस्य रेकोर्ड।

६९ संवत्सराणां प्रतीक्षा-बस्यानसेवनम् आरब्धम्
 डेराडूण् > ६९ संवत्सराणां दीर्घां प्रतीक्षां समाप्य उत्तराखण्डे चमोली जिल्लायाः सिल्पट्टा ग्रामः। दीर्घस्याः प्रतीक्षायाः अन्ते ग्रामे बस्यानसेवनम् आरब्धम्। प्रधानमन्त्रिणः ग्रामीणसडक् योजना पद्धत्याम् अन्तर्भाव्य एव ग्रामस्य विविधानां गतागतमार्गाणां निर्माणं पूर्तीकृतम्।

संस्कृतनाटकाचार्यः कावालं नारायणप्पणिक्कर् महाशयः कालयवनिकां अन्तरधात्।  

                         तिरुवनन्तपुरम् > नाटककलायाः आचार्यः श्री कावालं नारायणप्पणिक्कर्   ह्यः रात्रौ दिवड़्गतः।  88 वयः पर्यन्तं नाटककलायाःनिदेशकः आविष्कर्ता प्रायोजकः च आसीदयं महाभागः। 1961 तमे संवत्सरे केरळसड़्गीतनाटक अकादमी-संस्थायाः अध्यक्षपदमलड़्कृतवान्।  संस्कृतभाषायां प्रसिद्धे भासनाटकचक्रे  विद्यमानानानां नैकानां नाटकानां  रङ्गाविष्कारः महानुभावस्यैतस्य निदेशत्वेन सफलतां  प्राप्नोत्। संस्कृतनाटकप्रेक्षकाणां अमूल्यनिधिः एव एतस्य देहवियोगेन  नष्टभूतः।  चलनचित्रमण्डलेषु प्रगल्भाः मोहनलालप्रभृतयः अस्य प्रोत्साहनेन संस्कृतनाटकेषु भागम् ऊढवन्तः। 2007 तमे पद्मभूषणेन 2009 तमे वल्लत्तोल् पुरस्कारेण चायमादृतः। भासनाटकानां रङ्गसज्जीकरणेन आविष्कारेण च अयं महात्मा संस्कृतचित्तानां हृदि चिरं भासते  नात्र  सन्देहलेशोऽपि।

 भारतस्य प्रश्नोत्तरीकर्ता दिवङगतः

कोल्कत्ता > भारतस्य प्रश्नोत्तरीकर्ता इति विख्यातः सामूहिकप्रवर्तकः नील् ओब्रियन् दिवङगतः। पञ्चाशत् वर्षेभ्यः पूर्वं प्रश्नोत्तरी इति नूतनः बौद्धिकविनोदः जनकीयं कर्तुं प्रयत्नं कृत्वा प्रश्नोत्तरीकर्ता इति नाम्ना विख्यातः सः महोदयः आङ्गल-भारतसमूहस्य नेता च आसीत्। ८२ वयस्कः सः समीपकाले वार्धक्यसहजैः आतुरैः पीडितः आसीत्।भारतस्य राष्ट्रियसामूहिकमण्डलस्य सजीवप्रवर्तकः सः महोदयः एकवारं लोकसभायां वारत्रयं बङ्गाल् नियमनिर्माणसभायां च जनप्रतिनिधिः आसीत्।

उत्तरभारतराज्येषु वृष्टिःशक्तिं प्रापयति

 नवदहली> अग्रिमचतुर्भिः दिवसैः उत्तरभारतस्य केषुचित् राज्येषु वृष्टिः शक्ता भविष्यतीति परिस्थितिनिरीक्षणकेन्द्रम्। राजस्थाने वर्षाकालस्य आरम्भकतया महती वृष्टिरेव अनुभूयते। चतुर्भिः दिवसैः गुजरात्, उत्तरप्रदेशः, मध्यप्रदेशः, हरियाणा, उत्तराखण्ड्,हिमाचलप्रदेशः, पञ्जाब्, चण्डीगड् इत्यादिषु राज्येषु महती वृष्टिः भविष्यतीति परिस्थितिनिरीक्षणकेन्द्रेण सूचना दत्ता वर्तते।

ब्रेक्सिट्" अनुसृत्य  "डेक्सिट्" अपि।

नवदिल्ली - दिल्ली अपि पूर्णराज्यपदवीम् अपेक्षते इति विषये ब्रिट्टनस्य इव हितपरिग्रहणं अचिरादेव करिष्यताति दिल्ली मुख्यमन्त्री अरविन्द् केज्रिवालेन उक्तम्। एतद्विषयकं देयकं ए पि पि सर्वकारेण प्रकाशितमासीत्।
  जूण् ३० पर्यन्तं जनानां मतप्रकाशनवेला अस्ति। दिल्ल्यां तन्त्रप्रधानमण्डलानि विहाय एव पूर्णराज्यपदवीं प्रति सर्वकारस्य प्रयत्नः।

काश्मीरे सि आर् पि एफ् वाहनव्यूहं प्रति भीकराक्रमणं 
- अष्ट सैनिकाः हताः।

श्रीनगरं - जम्मुकाश्मीरे पुल्वामजनपदे पाम्पोर् प्रदेशे केन्दीयार्धसैनिकविभागस्य (सि आर् पि एफ्) वाहनव्यूहं प्रति लष्कर् ई तोयबा भीकरैः कृते भुशुण्डि आक्रमणे अष्ट सैनिकाः हताः; एकविंशतिः व्रणिताः। सेनायाः प्रत्याक्रमणे द्वौ भीकरावपि हतौ।
    भीकराः पाकिस्तानीयाः इति प्राथमिकदेहपरिग्रहेण प्रत्यभिज्ञातम्।
  श्रीनगर-जम्मु देशीयवीथ्यां ह्यः सायं ५.५० वादने आसीत् आक्रमणम्। लात्पोरस्थानात् परिशीलनानन्तरं प्रत्यागच्छन्नासीत् षड्वाहनेषु सैनिकसंघः।

विद्यालयपाठ्यपद्धत्याम् आयुर्वेदः भवितव्यः - केरळस्य शिक्षामन्त्री।

तृश्शिवपेरूर् - केरलस्य सार्वजनीनविद्याभ्यासपद्धत्याम् आयुर्वेदम् अन्तर्भावयितुं सर्वकारः प्रतिज्ञाबद्ध इति शिक्षामन्त्री सि रवीन्द्रनाथः उक्तवान्।
  आयुर्वेद औषधनिर्मातृसंस्थायाः आयुर्वेदचिकित्सालयप्रबन्धकसंघस्य च नेतृत्वे आयोजितायां बोधवत्करणसंगोष्ठ्याम् उद्घाटनभाषणं कुर्वन्नासीत् शिक्षामन्त्री। यू पि एस् सि संस्थायाः परीक्षासु आयुर्वेदम् ऐच्छिकविषयरूपेण निबद्ध्नातुं सम्मर्दं करिष्यतीति तेनोक्तम्।

'मन् की बात्' श्रद्धेयांशैः सह मोदी।

 नवदहली >  प्रधानमन्त्रिणा नरेन्द्रमोदिना आकाशवाणीद्वारा क्रियमाणे 'मन् की बात् 'इति प्रतिमासकार्यक्रमे आयकरसमर्पणमधिकृत्य नूतनम् आह्वानं कृतम्। वार्षिकधनसम्पादनमधिकृत्य याथार्थ्यं गूढतया परिपाल्यमानानां जनानां कृते तत् प्रकाशयितुम् अन्तिम: अवसरः सितंबर् ३० पर्यन्तं दीयते इति प्रधानमन्त्रिणा उक्तम्। ततः पूर्वमेव आयस्य विषये याथार्थ्यं प्रकाश्य दण्डनव्यवहारेभ्यः मोचनं स्वीकर्तुं मोदिना आह्वानं कृतम्। सितंबर् ३० अनन्तरम्  आवश्यकरेखाः विना परिपाल्यमानस्य धनसम्पादनस्य उपरि दण्डनव्यवहारं स्वीकर्तुं आयकरमन्त्रालयस्य सम्पूर्णाधिकारः वर्तते इत्यपि स: अवदत्। अपि च स्वप्रभाषणे ऐ.एस्. आर्.ओ संस्थायाः नूतनविजयाय अभिनन्दनमपि तेन कृतम्।

यूरो २०१६- पोर्चुगल्, फ्रान्स् च अष्टगणचक्रे।

लेन्ट् > यूरो २०१६ मध्ये क्रोयेष्यां जित्वा क्रिस्ट्यानो रोनाल्डस्य पोर्चुगल् संघः अष्टगणचक्रं प्राविशत्। क्रीडायामस्यां परिमितसमये लक्ष्यम् उन्नीय एकः श्रमः अपि द्वयोरपि सङ्घयोः पक्षतः नासीत्। अधिकसमये एव पोर्चुगल् दलेन लक्ष्यं प्राप्तम्।क्रीडायां पोर्चुगलेन १-० इत्यंशे जयः प्राप्तः।अपरस्यां क्रीडायाम् अयर्लन्ट् दलं जित्‍वा फ्रान्स् दलमपि अष्टगणचक्रं प्राविशत्। फ्रान्स् दलाय अन्टोणियो ग्रीस्मान् वारद्वयं लक्ष्यं प्राप्तवान् ।क्रीडायामस्यां फ्रान्स् दलेन २-१ इति अंशे विजयः प्राप्तः।

क्षेपणायुधसाङ्गेतिकविद्यानियन्त्रणसङ्घे भारतस्य प्रवेशः अचिरादेव

नवदहली > एन् एस् जि मध्ये प्रवेशः न लब्धः चेदपि  क्षेपणायुधसाङ्गेतिकविद्यानियन्त्रणसङ्घे भारतस्य प्रवेशः सुसाध्यः एव। अनेन आयुधनिर्माणाय व्यापाराय च नूतनाः मार्गाः आविष्कर्तुं शक्यन्ते। एम्‌ टि सि आर् सङ्घे प्रवेशनाय योग्यतापत्रं  विदेशकार्यदायित्वं वहन् कार्यदर्शी एस् जयशङ्करः श्वः एव समित्यै समर्पयिष्यति। अनेन भाविकाले एन् एस्‌ जि, आस्ट्रेलिया सङ्घः, वासेनर् अरेञ्ज्मेन्ट् इत्यादिषु सङ्घेषु प्रवेशनं सुकरमिति विदग्धाः नयतन्त्रज्ञाः अभिप्रयन्ति।

ऋग्वेदपारम्पर्यम्-पोलिष् भाषायां ग्रन्थः

कोषिकोट् > केरलेषु नम्पूतिरिसमुदायस्य ऋग्वेदपारम्पर्यम् अधिकृत्य एकः गवेषणग्रन्थः पोलिष् भाषायां प्रकाशितः। पोलिष् सर्वकारः एव प्रकाशकः। पोलण्ट् राष्ट्रस्य क्राकोवस्थस्य जागिलोणियन् विश्वविद्यालयस्य इन्टोलजी संस्कृतविभागस्य अध्यक्षः डा.सेसारी गेलेविक्स् एव ग्रन्थकर्ता। कोषिकोट् सैबर् विदग्धः डा.विनोद् भट्टतिरिः चित्रकारः मदनः च सहायकौ भवतः। " भारतस्य सजीवाः ऐतिहासिकाः " इति परम्परायाः एका कृतिः भवति इयम्। ग्रन्थकारेण  डा.विनोदस्य भवनम् आगत्य ग्रन्थस्य प्रतिकृतीः दत्ताः।

अञ्जू बोबी जोर्ज केन्द्रसमित्याम्

 नवदहली > केन्द्रीयकायिकमन्त्रालयस्य "खेलो इण्ट्या" पद्धतेः देशीयनिर्वाहकसमित्‍याम् अञ्जू बोबी जोर्ज अपि। केन्द्रीयकायिकमन्त्रालयस्य कार्यदर्शी एव समित्याः अध्यक्षः। क्रीडामण्डलात् पुलेला गोपीचन्दः अपि समित्यां वर्तते। पञ्चायत् स्तरादारभ्य छात्राणां युवकानां च कायिकमण्डलं प्रति उन्नयनमेव पद्धतेः प्रमुखं लक्ष्यम्। तदर्थं २०२० अभ्यन्तरे कायिमण्डलस्य आधारसौकर्यविकसनं कायिकसञ्चयानां निर्माणं च पूर्तीकरिष्यतीति कायिकमन्त्रालयेन सूचितम्।