भारतीयबंशजाय बालाय यू एस् वैज्ञानिक सम्मानम् ।

वाषिङ्ट्ण्‌ > युववैज्ञानिकानां कृते आयोज्यमानया इन्टल् फौन्टेषन् यङ्‌ सैन्टिस्ट् पारितोषिकेण पञ्चदशवयस्कः भरतीयवंशजः 'श्यामान्तक पैरेय्'  सम्मानितः। 50,000 यु एस्  डोलर् एव सम्मानम्।

संस्कृत-बालसाहित्यम् विकसति- राष्ट्रिय -संगोष्ठी सेप्तंबर् मासे।

कोल्कत्त >  संस्कृत-बाल-साहित्यस्य विकासमुद्दिश्य संस्कृत-बाल-साहित्य-परिषदा सेप्तंबर् मासस्य नवमेदिने राष्ट्रिय संगोष्ठी आयोजयिष्यते। अस्य कार्यक्रमस्य मुख्य आयोजकः पुतुचेरी अरबिन्दो फौण्डेषन् संस्था एव। नवदिल्यां विद्यमाने अरबिन्दो आश्रमे सङ्गोष्ठी प्रचलिष्यति। कर्यक्रमे भागं कर्तुं पञ्चीकरणं करणीयम् इति अरबिन्दो फौण्डेषनस्य निदेशकेन सम्पदानन्द मिश्र महोदयेन उक्तम्। विशद विवरणाय  http://samskritabalasahityaparishad.org इति। अन्तर्जालपुटे प्रविश्यताम्। 

सीमामुद्रित भूचित्रम् भारतस्य गार्हिकं विषयम् - पाकिस्थानस्य अस्मिन् संबन्दः नास्ति।

नव देहली > त्रुटियुक्तः भूमानचित्राणि प्रसरितेभ्यः दण्ड दानाय नियमनिर्माणाय च अद्युक्तं भारतं विरुद्ध्य पाकिस्थानः। एतत् भारतस्य गार्हिकविषयमेव, अस्मिन् पाकिस्थानस्य अधिकारः नास्ति इति भारतस्य विदेशकार्यवक्त्रा विकास स्वरूपेण उक्तम्।
पाक् अधीनकाश्मीरः अरणाचल प्रदेशः च भारतस्य बहिः इति लिखितस्य चित्रस्य प्रसारणे प्रकाशने दण्डार्हतां विधीयमानां नियमपत्रिकां विरुद्ध्य एव पाकिस्थानस्य रङ्गप्रवेशः। भारतस्य प्रक्रिया राष्ट्रान्तर-नियमानां लङ्घनमिति यू एन् मधये पकिस्थानस्य परिदेवनम् आसीत्। सप्त वर्षाणां कारागारवासः शतकोटि रुप्यकाणां दण्डः च व्यवस्थापयितुम् इयं नियमपत्रिका द्वारा उद्दिश्यते भारतेन।

भारतीयहोक्किसंघस्य नवनायकः। 

नवदिल्ली - भारतीयहोक्किसङ्घे  नूतनचरितं रचयन् केरलीयः कन्दुकलक्ष्यसंरक्षकः पि आर् श्रीजेषः दलनायकः भविष्यति। पूर्व-ओलिम्पिक्स् स्पर्धायां चाम्प्यन्स् होक्की समूहखेलायां भारतीयदलं श्रीजेषः नेष्यतीति भारतेन विज्ञापितम्। अधुनातननायकाय सर्दार् सिंहाय विश्रान्त्यनुमतिं दत्वा एव श्रीजेषाय योगदायित्वं दत्तम्।

   भारतीयहोक्कीचरिते प्रथमतया एव एकः केरलीयः नायकपदमाप्नोति। अधुना दलस्य उपनायकः एषः एरणाकुलं जिल्लायां किष़क्कम्पलं प्रदेशीयः भवति।

केरले निर्वाचनं शान्तियुक्तं सम्पन्नम्। मतदानं ७७%।

कोच्ची >केरलस्य विधानसभानिर्वाचनं शान्तिसम्पूर्णं सम्पन्नम्। ७७.३७% जनैः मतदानं विनियुक्तम्। उच्चतमं मतदानं कोष़िक्कोट् जनपदे रेखितम्- ८१.८९ %। न्यूनतमं तु पत्तनंतिट्टा जनपदे - ७१.६६%।
  ह्यस्तनरात्रौ आरब्धा वृष्टिः प्रभाते मतदानप्रक्रियां मन्दमकारयत्। किन्तु क्रमेण महान् सम्मर्दः अनुभूतः।
  गतविधानसभा निर्वाचनमपेक्ष्य २% मतदानमधिकं कृतम्। मतदानस्य शतमानवर्धने सर्वाणि राजनैतिकदलानि प्रतिक्षायां वर्तन्ते।

 राजस्थानस्य मुख्यमन्त्री योगस्य कक्ष्यायाम्।

जयपुरम् > मनसः सम्मर्दान् उल्लङ्ख्य शासनं सक्षमं कर्तुमुद्दिश्य राजस्थानस्य मुख्यमन्त्री वसुन्धरा राजे अमात्यैः साकं योगासन कक्ष्यायां प्रविशत्। इष फौन्टेषन् नाम संस्थायाः स्थापकः सद्गुरु जग्गि वासुदेवस्य इन्नर् एन्जिनियरिङ्ङ् नाम योगासन-कक्षायामेव उन्नत-उद्योगिभिः साकं परिशीलनस्य आरम्भः।
द्वि दिनात्मक कक्षायां विधानसभा सामाजिकाः, नियमसभा सामाजिकाः, ऐ. ए. एस् उद्योगिनः च भागभाजिनः आसन्। दिन द्वयस्य परिशीलनेन आन्तरिकसम्मर्दं विना कर्मकर्तुं प्रभवामः इति वसुन्धरा राजे महाभागेन उक्तम्।

निर्वाचनस्य बहिष्करणाय मावोवादिनः आह्वानम्।

मानन्तवाटी ( केरळम्) निर्वाचनम् बहिष्करणीयम् इत्युक्त्वा मावोवादिनः आगताः। ' मानन्तवाट्‌याः' समीपे कम्पमल एस्टेट्मघ्ये परह्यः एव तेषां आगमनम् । रात्रौ सार्ध अष्टवादने अयुधं धृत्वा आगाताः ते पाद घण्डा यावत्‌ वाटीकर्मकरान् भाषणमकरोत्‌। घटनामधिकृत्य आरक्षकैः अन्वेषणम् आरब्धम् । श्रीलङ्कायाः अभयार्थिनः च अत्र वसन्ति। गतवर्षे डिसंबर् मासे मावो वादिभिः 'कम्पमला' सन्दर्शिता।

निर्वाचनस्य तिथिः परिवर्तितः।

तमिळ्नाड् > अरुवा कुरिची नाम प्रदेशे निर्वाचनं परिवर्तितम्। धनं पारितोषिकं मद्यं च जनेभ्यः राष्ट्रियदल -नेतृभिः दत्तम् इति अक्षेपः जातः। अत एव निर्वाचनम् स्थगितम्। ए ऐ डि एम् के स्थानाशेः गृहात् पञ्चकोटि रुप्यकाणि आरक्षकैः गृहीतानि। तथा डि एम् के स्थानाशिनः गृहात् कोटि रुप्यकाणि च गृहात् कोटि रुप्यकाणि वस्त्रादीनि च संग्रहीतानि।  अस्मिन् विषये अपराधिदलान् प्रति विशदीकरणसमर्पणाय निर्वाचनाध्यक्षेण आदेशः दत्तः अस्ति।

वर्षाकालः विलम्बेन ।
काले वर्षतु पर्जन्य

 नव दिल्ली > अस्मिन्वर्षे वर्षाकालस्य आरम्भः विलम्बेन भविष्यति इति केन्द्र निरीक्षणसंस्थया वदति। जूण् मासस्य सप्तमे दिने एव केरळे वृष्टिकालारम्भः स्यात्‌ । मेय् मासस्य २८ दिने मण् सूण्‌ वृष्टिः भविष्यति इति प्रथमं ज्ञापितम्।

एरनाकुलं जनपदे मूवाट्टुपुषायां विश्व संस्कृतप्रतिष्ठानस्य सनातनधर्म पाठशालाया: आभिमुख्ये प्रचलित सप्ततम "सारस्वतं" नाम  संस्कृत - आध्यात्मिक-व्यक्तित्व-विकसन कक्ष्यायाः  विविधानि चित्राणि.......

 पुनरपि भारतीय:           

दुबाई : -  क्रिकट् इति जनप्रियक्रीडायाः अध्यक्षस्थाने पुनरपि भारतीयस्य आरोहणम्‌।  ह्यः दुबाईराष्ट्रे संवृत्ते अन्ताराष्ट्रक्रिकट्समितेः निर्वाचनयोगे भारतीयस्य शशाङ्क्मनोहरस्य चयनं  अभवत्। ऐककण्ठेनैव अन्ताराष्ट्रक्रिकट्समितेः प्रथम स्वतन्त्राध्यक्षरूपेण शशाङ्क्मनोहरस्य चयनं कृतम्। ऐ सि सि समितेः परिष्कृतनियमानुसारं अध्यक्षस्थानं स्वतन्त्रमेकं स्थानं भवति । अत एव गतदिने शशाङ्क्मनोहरेण भारतीयक्रिकट्समितेः अध्यक्षस्थानं त्यक्तमासीत् । सर्वेभ्यः ऐ सि सि  निर्वाहकेभ्यः    तथा बि सि सि ऐ निर्वाहकेभ्यः च शशाङ्क्मनोहरः कृतज्ञतां न्यवेदयत् । अपि च क्रिकट् क्रीडायाः औन्नत्यै स्वशक्त्यनुगुणं प्रयत्नं करिष्यतीति सूचितम्।

 राष्ट्रे अवश्यसाधनानां मूल्यवर्धनम् : जनाः आशङ्कायाम् 
                  नव देहली :- राष्ट्रस्य सम्पद्घटना अतिदुर्घटावस्थां प्राप्नोति। राष्ट्रे व्यावसायिकोत्पादनं गण्यतया शोषयत् वर्तते। धनबाहुल्यं एप्रिल् मासे ५.३९% इति वर्धितम्। उत्पादने १.२% स्य न्यूनत्वमभवत्। खननमण्डले वर्धनं केवलं ०.१७% एव। मूलधनसामग्रीणाम् उत्पादने १५.४% स्य शोषणमभवत्। तथापि विद्युदुत्पादने ११.३७% स्य वर्धनमभवत्। भक्ष्यसाधनानां मूल्यवर्धनमेव धनबाहुल्यस्य कारणमित्येव आर्थिकविदग्धानाम् अभिप्रायः। तथापि भारतीय रिसर्व बाङ्‌क् अधिकारिणः आयस्यानुपाते न्यूनत्वं नैव करिष्यन्ति इत्यपि श्रूयते।

निर्वाचन-प्रचारणम् अद्य समाप्यते। 

कोच्ची > केरळे सर्वेषु मण्डलेषु  विधानसभानिर्वाचनस्य शब्दप्रचारणम् अद्य सायं षड्वादने समाप्यते। निर्वाचनप्रक्रिया सोमवासरे भविष्यति। मतगणना १९ तमे दिनाङ्के प्रचलिष्यति।
   अधुनातनशासनपक्षः कोण्ग्रस् दलनेतृत्वे यू डि एफ् पक्षः, विमतपक्षः सि पि एम् नेतृत्वे एल् डि एफ् पक्षः , तृतीयपक्षत्वेन बि जे पि नेतृत्वे एन् डि ए पक्षश्च जाज्वल्यमानं प्रचारणमेव कृतवन्तः।प्रायेण सर्वेष्वपि मण्डलेषु त्रिकोणस्पर्धायाः प्रतीतिरजायत च।

 सम्पूर्णविकसनं लक्ष्यीकृत्य केन्द्रसर्वकारः

                    नवदहली :- राष्ट्रस्य सर्वेषु मण्डलेष्वपि विकसनं लक्ष्यीकृत्य केन्द्रसर्वकारस्य परिष्करणव्यवहाराः। इदानीं राष्ट्रे उपयुज्यमानं पञ्चवत्सरपद्धतिसम्प्रदायं त्यक्वा पञ्चदशसंवत्सरात्मककालं लक्ष्यीकृत्य पद्धतीनां परियोजनाय केन्द्रसर्वकारस्य उद्यमः। राष्ट्रस्य आधारमण्डलानि केन्द्रीकृत्य विकसनप्रवर्तनानाम् आसूत्रणाय निर्देशः स्वीकृतः वर्तते। सम्पूर्णविकसनाय दीर्घकालवीक्षणम् आवश्यकम्, अत एव पञ्चवत्सरपद्धतिसम्प्रदायम् उपेक्ष्य पञ्चदशसंवत्सरात्मककालं लक्ष्यीकृत्य पद्धतीनाम् आसूत्रणं क्रियते इति सर्वकारः विशदीकरोति। तदर्थम् एकां देशीयविकसनरेखां सर्वकारपक्षतः प्रस्तौति। तत्र च सामाजिक-आर्थिक-प्रतिरोध-सुरक्षामण्डलानां प्रामुख्यं दीयते। वर्षत्रयाणामन्तरे प्रवर्तनानाम् अवलोकनमपि कृत्वा अनुबन्धान्तर-प्रवर्तनानाम् आसूत्रणमपि करिष्यति। पञ्चवत्सरपद्धतिसम्प्रदायः आगामिनि मार्च् मासे पर्यवसति।

असुलभ दृश्यानि

लिबिया देशात्  ९ परिवाराः प्रत्यागतवन्तः। 

कोच्ची >आभ्यन्तरसंघर्षे दुरितमनूतवन्तः २९ संख्याकाः नव परिवाराः लिबियादेशात् मातृदेशं  प्राप्तवन्तः। भीतिसङ्कुलं तद्देशं  त्यक्त्वा जन्मदेशस्य स्नेहोष्मलताप्राप्तौ निसीममानन्दमनुभूयमानाः सन्ति ते।
  १८ संख्याकाः केरलीयाः कोच्ची अन्ताराष्ट्रविमाननिलये ११संख्याकाः तमिल् देशीयाः  चेन्नै विमाननिलये च प्राप्तवन्तः।
  लिबियादेशे ट्रिप्पोलिमध्ये साविया आतुरालये कर्मकराः ते आभ्यन्तर -संधर्षे पृथक्भूताः भवन्ति स्म। जलाहारवस्त्रादिकं विना नरकतुल्यजीवनमेव यापयन्ति स्म।

 मलिनीकरणम् -आशङ्कामुत्पाद्य भारतस्य नगराण्यपि।

                    जनीवा :- विश्वारोग्यसमितेः पठने विश्वे अत्यधिकं मलिनीकरणम् उत्पद्यमानेषु नगरेषु चत्वारि नगराणि भारते एव। भारतस्य ग्वालियोर् ,अलहबाद् ,पाट्ना, राजपूर् इत्यदीन्येव चत्वारि नगराणि। इरान् राष्ट्रस्य साबूल् एव मलिनीकृतनगरेषु प्रथमम्। परिस्थितेः मलिनीकरणं   हृदय-श्वासकोशसम्बन्धानाम् अनेकानां रोगाणां कारणं भवतीत्यवस्थायां विश्वारोग्यसमितिः आशङ्कां न्यवेदयत् ।