साधारणजनस्य कृते सरलसंस्कृतेन अनुवादः आवश्यकः -डा. प्रकाशपन्त:।
कार्यशालायाम् उत्तराखण्डसंस्कृत-अकादम्याः सचिवः डा. वाजश्रवः आर्यः प्रतिभागिभ्यः सम्बोधितवान् यत् अद्य सम्पूर्णे देशे संस्कृतभाषायाः विद्वदनुवादकानां आवश्यकता अस्ति। अतः अपेक्षा अस्ति यत् युष्माभिः अन्ये अपि एतादृशकार्यक्रमाय प्रेरितव्याः। डा. आर्येण उक्तम् यत् उत्तराखण्डसंस्कृत-अकादमी अपि संस्कृतभाषायाः प्रसाराय अनेकविधकार्यक्रमान् नियमितरूपेण आयोजयति।
अनुवादकार्यशालायाः समन्वयकः डा. प्रकाशचन्द्रपन्तः प्रतिभागिभ्यः अवदत् यत् भारतीयभाषासमितेः भारतसर्वकारस्य योजना अद्य सरलमानकसंस्कृतेः अनुवादं प्रोत्साहितुं उद्दिश्यते। अतः कार्यशालायाम् प्रतिभागिनः एषा विधिः लेखने अनुवादे च प्रशिक्ष्यन्ते। तेन उक्तम् यत् अनुवादे अस्मिन् विषये विशेषं ध्यानं दातव्यम् यत् 'न किञ्चित् योजयेत् न किञ्चित् अपाकुर्यात्'। एतादृशानुवादकार्याय विशेषतया प्रशिक्षणं दीयते।
अस्मिन्नेव अवसरे डा. प्रतिभाशुक्ला, डा. प्रकाशजांगी, डा. नीरजनौटियाल, डा. नवीनजशोला, कुलदीपः, डा. अतुलचमोला, डा. कमलेशः, जीवनचन्दजोशी च उपस्थिताः आसन्।