गासायाम् इस्रयेलस्य आक्रमणम् - १५ मरणानि।
केय्रो> गासायाः मध्य-उत्तरप्रदेशेषु रविवासरे इस्रयेलेन कृते बोम्बाक्रमणे १५ जनाः हताः। नुसैरत्, गासा सिटि, राफा, जबलिया, बेय्त् लहिया इत्यादिषु प्रदेशेषु आसीदाक्रमणम्।
एतदाभ्यन्तरे, गासातः निगृहीताः द्वौ पालस्तीनीयौ इस्रयेलीयकारागारे मृताविति कारागृहवासिनां मोचनाय प्रवृत्तमानेन संघटनेन निगदितम्। अनेन युद्धारम्भात् परं इस्रयेलीयकारागारे मृतानां पालस्तीनीयानां संख्या ४७ अभवत्।
१४ मासैः अनुवर्तमानस्य इस्रयेल्-हमास युद्धस्य समाप्तये ईजिप्तस्य राजधानी केय्रो इत्यत्र शान्तिचर्चा प्रचलन्ती अस्ति। बन्धितानां मोचनं, निगृहीतानां प्रतिदानम् इत्यादयोSपि चर्चाविषयाः सन्ति।