कैरलीसाहित्यकुलपतिः एम् टि वासुदेवन् नायर् दिवंगतः।
कोष़िक्कोट्> केरलस्य साहित्यकुलपतिः एम् टि वासुदेवन् नायर् [९१] अद्य रात्रौ दशवादने दिवंगतः। वरिष्ठः कथाकारः, अतुल्यः आख्यायिकाकारः, श्रेष्ठः चलच्चित्रकथारचयिता, असामान्यः चलच्चित्रनिदेशकः इत्येवं कैरलीवाङ्मये व्यक्तिमुद्राम् अङ्कितवान् एम् टि महोदयः दशदिनानि यावत् आतुरालये परिचर्यायामासीत्।
एम् वर्यस्य अन्त्येष्टिक्रियाः श्वः - गुरुवासरे - कोष़िक्कोट् नगरस्थे स्वभवने सम्पत्स्यते।