जय्पुरे ट्रक् यानं पाकवायुवाहकेन सह संघट्टितम् - १४ जनाः मृताः।
बहूनि यानानि अग्निसात्कृतानि। 
ट्रक्दुरन्तस्य दृश्यम्।
जयपुरं> राजस्थाने जयपुरं-अजमीर राजमार्गे शुक्रवासरस्य प्रत्युषसि जयपुरे रासवस्तुसम्भृतं ट्रक् यानं अन्येन एल् पि जि सम्भृतयानेन सह संघट्य जाते अग्निप्रकाण्डे १४ जनाः मृताः। ४५ जनाः आहताः।
एल् पि जि सम्भृतयाने ट्रक् यानस्य आघातेन पाकवायोः बहिःस्यन्दनमभवत् समीपस्थानि ३७ यात्रावाहनानि अग्निसात्कृतानि च। ३०० मीटर् परिधौ अन्तर्भूतानि यानानि पूर्णतया अग्निसात्कृतानि।
दुर्घटनायामस्यां राष्ट्रपतिः प्रधानमन्त्री राज्यमुख्यमन्त्री इत्यादयः अनुशोचं प्रकाशितवन्तः।