पञ्च राज्येषु राज्यपालाः परिवर्तिताः।
केरलस्य नूतनराज्यपालः राजेन्द्र आर्लेकरः।
केरलस्य नूतनराज्यपालः राजेन्द्र आर्लेकरः।
नवदिल्ली> केरलमभिव्याप्य पञ्च राज्येषु राज्यपालाः परिवर्तिताः। केरलं विना बिहारं, मणिपुरं, ओडीशा, मिसोरामः इत्येतेषु राज्येषु नूतनराज्यपालाः नियुक्ताः। केरल बिहार राज्ययोः राज्यपालौ मिथः परिवर्तितौ।
केरलात् आरिफ मुहम्मद खानः बिहारे, तत्रत्यः राजेन्द्र आर्लेकरः केरले च नियुक्तौ।
संघर्षभरिते मणिपुरे भूतपूर्वगृहसचिवः अजयकुमार भल्लः नियुक्तः। मिसोरामस्य वर्तमानीनराज्यपालः हरिबाबु कम्भम्पतिः ओडीशायां नियुक्तः। मिसोरामे भूतपूर्वकेन्द्रमन्त्री जनरल् वि के सिंहः राज्यपालो भविष्यति।