जम्मु-काश्मीरे पञ्च भीकरवादिनः व्यापादिताः।
श्रीनगरं> जम्मु-काश्मीरे कुलगाम् जनपदे सुरक्षासेनया सह प्रतिद्वन्द्वे पञ्च हिस्बुल् मुजाहिदीनीयाः भीकरवादिनः व्यापादिताः। हताः के के इति प्रत्यभिज्ञाताः। तेष्वेकः संघटनस्य कमान्डर् पदीयः फरूख् अहम्मद भट्टः अस्ति।
द्वौ सैनिकावपि व्रणितौ। बुधवासरे रात्रौ बहिबागसमीपे भीकराः निलीनाःवर्तन्ते इति वृत्तान्तस्य आधारे कृते मार्गणे आसीत् प्रतिद्वन्द्वः।