फेन्जलचक्रवातः न्यूनमर्दरूपेण परिवर्तितः।
दक्षिणभारते तीव्रवृष्टिसूचना।
चेन्नै> तमिलनाट् पुतिश्शेरी प्रदेशेषु उग्रप्रतापेण वातः फेन्जलनामकः चक्रवातः स्थलं स्पृष्ट्वा न्यूनमर्दरूपेण परिवर्तितः। केरले विविधजनपदेषु अतितीव्रजागरूकता प्रख्यापिता। कर्णाटके अपि तीव्रवृष्टिः प्रोक्ता।
केरले सोमवासरे अतितीव्रवृष्टिः प्रोक्ता। मलप्पुरं, कोष़िक्कोट्, वयनाट्, कण्णूरु जनपदेषु रक्तजागरूकता प्रख्यापिता। एरणाकुलं, इटुक्की, तृश्शूर्, पालक्काट्, कासरगोड जनपदेषु ओरञ्जजागरूकता च प्रख्यापिता।