दूरदर्शनस्य संस्कृतविभागस्य वार्ताहरः नितीशभारद्वाजः दिवंगतः
संस्कृतवार्ताक्षेत्रे प्रथितयशस्कः दूरदर्शनस्य संस्कृतविभागे वार्ताहरत्वेन च कार्यरतः युवविद्वान् नितीशभारद्वाजः ह्यः रात्रौ विवाहकार्यक्रमं परिसमाप्य उज्जयिनीतः प्रत्यागमनावसरे यानदुर्घटनायां दिवङ्गतः इति अतिदारुणा वार्ता । समेषां प्रीतिपात्रस्य नितीशस्य अकालमृत्युवार्तां श्रुत्वा समग्रः संस्कृतपरिवारः शोकसंविग्नमानसः वर्तते। तेन सहैव तदीयः भ्राता अपि दिवङ्गतः इत्यपि अतीव खेदस्य विचारः।