यू एस् निर्वाचनं - २. १ कोटिजनाः मतदानमकुर्वन्।
वाषिङ्टणः> प्रचाल्यमाने यू एस् राष्ट्रपतिनिर्वाचने एतदाभ्यन्तरे २. १ कोटिजनाः स्वाभिमतं कृतवन्तः। नवंबर् पञ्चमे दिनाङ्के अस्ति औद्योगिकतया निर्वाचनम्। किन्तु तत्र पूर्वकालीयमतदानम् [Early Vote] इति सुविधा अस्तीत्यतः ७८ लक्षं पूर्वकालीयमतदानं, १. ३३ कोटि पत्रालयमतदानं च कृतम्। फ्लोरिडा विश्वविद्यालयस्य 'इलक्षन् लाब्' संस्थया एव अयं वृत्तान्तः बहिरागतः।