प्रधानमन्त्री अद्य वयनाट् सन्दर्शयति।
नवदिल्ली> वयनाट् भूस्खलनदुरन्तं साक्षात् द्रष्टुं प्रधानमन्त्री नरेन्द्रमोदी शनिवासरे पूर्वाह्ने ११. ०५ वादने कण्णूर् विमाननिलयम् अवतीर्य वयनाट् प्राप्नोति। मध्याह्नपर्यन्तं दुरन्तबाधितप्रदेशं सर्वं उदग्रयानमारुह्य संवीक्षिष्यति। अनन्तरं समाश्वासशिबिरं संद्रक्ष्यति । ततः वयनाट् जनपदकार्यालये आयोज्यमाने अवलोकनोपवेशने भागं करिष्यति। सायं चतुर्वादने दिल्लीं प्रतिगमिष्यति।