रेल् यानानि आक्रमितुं भीकराणाम् आह्वानम्।
गुप्तान्वेषणसंस्थाः जागरूकाः।
नवदिल्ली> रेल् यानेषु आक्रमणं कर्तुं भीकरवादिना फर्हतुल्ला घोरि नामकेन आदिश्यमानं वीडियोचित्रं दृष्ट्वा गुप्तान्वेषणसंस्थाः अतिजागरणे वर्तन्ते। पाकिस्थाने निलीय वसन् घोरी भारते गुप्तरीत्या प्रवर्तमानान् भीकरसंघान् आक्रमणं कर्तुं निर्दिशति।
बाष्पस्थालिकाः उपयुज्य रेल् यानेषु स्फोटनं कथं कर्तुं शक्यते इति वीडियोमध्ये विशदीकरोति। पूर्वं रामेश्वरं कफे इत्यस्मिन् विधत्तस्य स्फोटनस्य पृष्ठतः घोरी इति सूच्यते।