सुनितायाः सहयात्रिकस्य च प्रतिनिवर्तनं २०२५ यावत् विलम्बः भवेत्!
वाषिङ्टणम् > अन्ताराष्ट्रबहिराकाशनिलये मासद्वयात्परं यावत् लग्नौ बहिराकाशयात्रिकौ भारतीयवंशजा सुनिता विल्यंस्, सहयात्रिकः बुच् विल्मोर् इत्येतौ २०२५ फेब्रुवरिपर्यन्तं तत्रैव वसेतामिति नासया निगदितम्। एतयोः यात्रायानस्य दोषपरिहारः न सम्पन्नः इत्येव कारणम्।
फेब्रुवरिमासे 'स्पेय्स् एक्स्' संस्थायाः पेटके भवेत् तयोः भूमिं प्रति निवर्तनम्। तदर्थं पूर्वोक्तां संस्थां प्रति नासायाः चर्चा पुरोगच्छति।