ओलिम्पिक्सस्य वर्णाभः गभीरश्च शुभारम्भः। 
दीपशिखाप्रोज्वलनम्।
पारीस्> सेन् नदी वर्णानां पूर्णप्रवाहः। तीरद्वये च मानवमहासागरः। दीपः प्रोज्वलितः। लोकाः सस्मितम् आनन्दमनुभूतवन्तः। ३३ तमस्य ओलिम्पिक्समहोत्सवस्य गभीरः शुभारम्भः जातः।
"समेषां कायिकक्रीडा" इति ओलिम्पिक्स् मुद्रावाक्यं सार्थकं कृत्वा ईफल् गोपुरस्य पुरतः विद्यमाने ट्रक्कादरो क्रीडाङ्कणे २०६ राष्ट्राणां प्रतिनिधयः दीपं ज्वालितवन्तः।