कोपा अमेरिका - अन्तिम स्पर्धा श्वः प्रत्युषसि।
अर्जेन्टीना × कोलम्बिया
फ्लोरिडा> कोपा अमेरिका नामक अमेरिकीय ऐक्यराष्ट्राणां मध्ये प्रचाल्यमानायाः पादकन्दुकक्रीडापरम्परायाः अन्तिमः प्रतिद्वन्द्वः सोमवासरस्य प्रत्युषसि ५. ३० वादने [भारतीयसमयः] विधास्यति। फ्लोरिडायां अर्जेन्टीना कोलम्बिया दलयोर्मध्ये भविष्यति स्पर्धा।
लयणल् मेसिवर्यस्य नायकत्वे क्रीडाङ्कणं प्राप्नुवन् अर्जेन्टीना दलः १६ तमं कोपाकिरीटं तथा अनुस्यूतं द्वितीयविजयं च प्रतीक्षते। अतीतासु २८ स्पर्धासु संघबलात् अपराजितः कोलम्बियादलः २३ वर्षानन्तरमेव अन्तिमस्पर्धां प्रविष्टवान्।