विधानसभानिर्वाचनं - उत्तरप्रदेशे ६१. ०२%, पञ्चाबे ७०% ।
नवदिल्ली> राष्ट्रे अनुवर्तमानायाः विधानसभानिर्वाचनपरम्परायाः तृतीयचरणे ह्यः उत्तरप्रदेशे ६१. ०२% मतदायकाः स्वाभिमतमङ्कितवन्तः। उत्तरप्रदेशनिर्वाचनस्य तृतीयचरणत्वेन १६ जनपदेषु ५९ मण्डलेष्वेव ह्यः निर्वाचनं सम्पन्नम्। २. १६ कोटि जनैः मतदानं विनियुक्तम्।
पञ्चाबराज्ये आहत्य विद्यमानेषु ११७ मण्डलेषु एकेनैव चरणेन सम्पन्ने निर्वाचने ७०% जनाः स्वाभिमतमङ्कितवन्तः।