उत्तरघण्डे हिमश्रृङ्गः अधःपतितः। १५० जनाः अप्रत्यक्षाः। अलकनन्दासेतुः भग्नः।
देह्रादूण्> उत्तरघण्डे चमोलिजनपदे जोषिमठे हिमश्रृङ्गः अधःपतितः। अलकनन्दा नद्याम् आपन्नायां जलोपप्लवे १५० जनाः अप्रत्यक्षाः। अलकनन्दासेतुः भग्नः च। ऋषिकेश्, हरिद्वार प्रदेशेषु अतिजाग्रता निर्देशः प्रदत्तः। जोषिमठस्य समीपप्रदेशस्थ तपोवन-रैनि इति स्थाने आसीत् हिमशैलपातः। अनेन आसीत् अलकनन्द-नद्यां जलोपप्लवः। सहस्रशः जनाः सुरक्षितस्थानां प्रविष्टाः। रक्षाप्रवर्तनानि अनुवर्तन्ते।