कोल्कत्त मेट्रो रेल्यानं गुहायां स्थगितम्।
कोल्क्कत्त> साङ्केतिक भङ्केन कोल्कत्त मेट्रो रेल्यानं गुहायां स्थगितम्। जनाः स्फाटिक-फलकानि भग्नीकृत्य रक्षां प्राप्तवन्तः। रविवासरे रातौ ९.३० वादने एव घटना जाता। नेताजी रेल् निस्थानस्य समीपे स्थगिते याने वैद्युताभावेन अन्धकारं व्याप्तम्। यात्रिकाः गवाक्षाणां स्फाटिकफलकानि भग्नीकृत्य रक्षां प्राप्तवन्तः। विंशति निमिषेन सर्वान् बहिरानीतम् इति रेल् अधिकारिणा उक्तम्l कोऽपि व्रणिताः नास्ति इत्यपि तैः उक्तम्। दक्षिणं प्रति स्थगितं गमनं कतिपयनिमिषाभ्यन्तरेण पुनरारब्धम्।
Social Media
