टि वि आर् षेणायी दिवं गतः।
मङ्गलुरु > प्रमुखः पत्रकारप्रवर्तकः लेखकः च टि वि आर् षेणायी [७७] दिवंगतः। वृक्करोगबाधितः सः मणिप्पाल् कस्तूर्बा मेडिक्कल् कोलेज् आतुरालये चिकित्सायाम् आसीत्। केरले एरणाकुलं जनपदे चेरायी स्वदेशीयः सः 'दि वीक्' साप्ताहिकस्य सम्पादकः आसीत्। मलयालमनोरमा, मातृभूमी इत्यादिषु पत्रिकासु बहुकालं सेवानिरतः आसीत्। २००३ तमे संवत्सरे पद्मभूषण् पुरस्कारेण आदृतः। बुधवासरे सायं मृतशरीरंं दिल्लीं नेष्यति। गुरुवासरे अन्त्येष्टिकर्माणि संपत्स्यन्ति।