कर्णाटके निर्वाचनं मेय् १२दिनाङ्के।
नवदिल्ली > कर्णाटकराज्ये विधानसभानिर्वाचनं मेय् मासस्य द्वादशतमदिनाङ्के भविष्यति। पञ्चदशतमदिनाङ्के मतगणना भविष्यति। कर्णाटके आहत्य विद्यमानेषु २२५ विधानसभामण्डलेषु एकेनैव सोपानेन निर्वाचनं विधास्यति । निर्वाचनाय विज्ञापनं एप्रिल् १७ तमे दिनाङ्के उद्घोषयिष्यते। सर्वेषु मतदानकेन्द्रेषु 'विविपाट्' यन्त्रस्य साहाय्येन मतदानं विधास्यति।