समुद्रान्तर्भागे परिणयः ।
अनन्तपुरी>परिणयः न केवलं भूमौ , समुद्रान्तर्भागे अपि कर्तुं शक्यते। कोवलं प्रदेशस्थे समुद्रे सज्जीकृते विवाहमण्डपे गतदिने कश्चन विवाहः सम्पन्नः। स्लोवेनिया स्वदेशिन्याः युणीक्का पोग्रान् नामिकायाः महाराष्ट्रास्वदेशीयस्य निखिल् पवार् नामकस्य च विवाहः एव गणतन्त्रदिने एतादृशरीत्या सम्पन्नः।
"स्कूबाडैविंग्" नामिकायां जलक्रीडायां निष्णातौ एतौ वधूवरौ विवाहवस्त्रैः साकं गाहनवस्त्रं च धृत्वा प्लवनपरिशीलकैः साह्येन वरणमाल्यम् अङ्गुलीयकं च परस्परं धारितवन्तौ। स्वकीयविवाहः चिरस्मरणीयः भवितव्यः इति चिन्तया एव तौ कमितारौ समुद्रान्तःस्थितं विवाहमण्डपं प्रापयितौ।