केरळे भाजपाकमलं विकसितम्।
कोच्ची > केरळविधानसभानिर्वाचने भा ज पा दलस्य स्वप्नसाफल्यम्। केरळविधानसभाङ्गत्वमिति तेषां चिरकालाभिलाषः तिरुवनन्तपुरं जिल्लायां नेमं मण्डले भाजपादलस्य वरिष्ठनेत्रा ओ राजगोपालवर्येण सफलितः। नेमं मण्डले सम्पन्ने प्रचण्डे त्रिकोणमत्सरे सि पि एम् दलस्य वि शिवन् कुट्टिवर्यं ८६७१ मतदानैः राजगोपालः पराजयते स्म।परन्तु सप्तमण्डलेषु भा ज पा दलनेतृत्वे स्पर्धितम् एन् डि ए सख्यं द्वितीयस्थानं प्राप्तम्। तेषु कासर्गोड् जनपदे मञ्चेश्वरं मण्डले चषकोष्ठयोर्मध्ये द्वितीयं विजयसोपानं विनष्टम्। भाजपायाः के सुरेन्द्रः केवल ८९ मतदानैः पराजितः।