केरले निर्वाचनं शान्तियुक्तं सम्पन्नम्। मतदानं ७७%।
कोच्ची >केरलस्य विधानसभानिर्वाचनं शान्तिसम्पूर्णं सम्पन्नम्। ७७.३७% जनैः मतदानं विनियुक्तम्। उच्चतमं मतदानं कोष़िक्कोट् जनपदे रेखितम्- ८१.८९ %। न्यूनतमं तु पत्तनंतिट्टा जनपदे - ७१.६६%।
ह्यस्तनरात्रौ आरब्धा वृष्टिः प्रभाते मतदानप्रक्रियां मन्दमकारयत्। किन्तु क्रमेण महान् सम्मर्दः अनुभूतः।
गतविधानसभा निर्वाचनमपेक्ष्य २% मतदानमधिकं कृतम्। मतदानस्य शतमानवर्धने सर्वाणि राजनैतिकदलानि प्रतिक्षायां वर्तन्ते।